آراز چایی‌نین قراغیندا جنوبی آمریکا بؤلگه‌سینه عایید نادر حیوان نوعونون تاپیلماسی اکولوژی متخصصلری تعجب‌لندیریب.

Axar.az خبر وئریر کی، بو باره‌ده ایران مئدیاسی معلومات یاییب.

شرقی آذربایجان ایالتی‌نین اطراف محیط تشکیلاتینین صدر معاوینی
داود غنی‌پور حادثه‌نی تصدیق ائدیب.

او، بؤلگه‌یه مخصوص اولمایان «نوتریا» حیوان نوعونون سووئتلر بیرلییی دؤورون‌ده آرازین شیمالیندا یئتیشدیرلمه‌سی ایله علاقه‌لی اولدوغونو احتمال ائتدیکلرینی بیلدیریب.

"او زامان ایران سرحدلرینین او بیری طرفینده بو حیوانین دری‌سیندن استفاده ائتمک اوچون فرما تصروفاتلاری وار ایدی، سووئتلر بیرلییی داغیلاندان سونرا بو حیوان نوعو بوتون بؤلگه‌یه یاییلیب"،- غنی‌پور علاوه ائدیب.

نوترییالارین اساس و دایمی یاشاییش یئرینین جنوبی آمریکا اؤلکه‌لری اولدوغونو دئین اکولوگ، اونلارین اساساً سو زونالاریندا یاشادیقلارینی و حاضردا آراز چایینین ساحللرینین بو حیوانین یاشاییش بؤلگه‌سینه چئوریلدیینی سؤیله‌ییب.