هورادیز-آغبند دمیریول خطینده ایکینجی تونلین قازما ایشلری یکونلاشیب.

Axar.az خبر وئریر کی، بو باره‌ده آذربایجان دمیر یوللاری قاپالی سهامدار جمعیتی معلومات یاییب.

بیلدیریلیب کی، آذربایجان پرزیدنتینین موافق سرانجامی ایله یارادیلمیش اشغال‌دان آزاد ائدیلمیش اراضیلرینده مسئله‌لرین مرکزلشمیش قایدادا حلی ایله باغلی علاقه‌لندیرمه قرارگاهینین اداره‌لرآراسی مرکزینین نزدینده فعالیت گؤسترن نقلیات، رابطه و یوکسک تخنولوگییالار اوزره ایشچی گروپوندان وئریله‌ن معلوماتا گؤره، هورادیز–آغبند دمیریول خطینده حیاتا کئچیریله‌ن تیکینتی ایشلرینین ۶۲%-ی تماملانیب.

«اوخ اوزره اوزونلوغو ۱۱۰،۴ کیلومتر اولان یولون ۱۰۴ و ۱۰۶-جی کیلومتر-لرینده دمیریول تونللری انشا اولونور. تونللردن بیری (۱۰۴-جو کیلومتر) مستقل آذربایجانین تاریخینین ایلک، دیگری ایسه (۱۰۶-جی کیلومتر) اؤلکه‌نین ان اوزون دمیریول تونلیدیر. ۱۰۶-جی کیلومتر-ده اوزونلوغو ۱ ۰۷۱ متر اولان تونلده آرتیق قازما ایشلری یکونلاشیب و بونونلا تونل تیکینتی‌سینین ۶۵%-ی تماملانیب. قازما ایشلریندن سونرا تونل‌ده ایزولیاسیا و اوزله‌مه ایشلری یئرینه یئتیریله‌جک»، - دئیه معلوماتدا قید ائدیلیب.