آمریکا پرزیدنتی دونالد ترامپ و روسیا پرزیدنتی ولادیمیر پوتینین دانیشیقلاریندا ایران اوزرینده آلوئر و راضیلاشما الده ائتمک ریسکی وار و اؤلکه‌نین ملی ماراقلاری طلب ائدیر کی، روسیانین آمریکا ایله قارشی‌لیقلی علاقه‌ده اولدوغونا دایر حرکتلرینه نظارت ائدیلسین.

Axar.az خبر وئریر کی، بو باره‌ده ایرانین "جمهوری اسلامی" قزئتینین کؤشه یازیسین‌دا خبردارلیق ائدیلیب.

"چوخ گئج اولمادان روسیا ایله آمریکا آراسیندا بؤیوک راضیلاشمانین نتیجه‌لریندن قاچماق اوچون بیر یول تاپماغا چالیشمالیدیر"،- قزئت یازیب.

بیلدیریلیب کی، اوکراینا تورپاقلارینین بیر حیصه‌سینی الده ائتمک اوچون روسیا آمریکا ایله راضیلاشا، واشینگتنون اسرائیلین ایرانا قارشی پلانلارینین حیاتا کئچیریلمه‌سینده‌کی رولونا و اونون اورتا شرق‌ده‌کی عمللرینه گؤز یوما بیلر.

محاربه‌نین روسیانین اوکراینایا تجاوزو نتیجه‌سینده باشلادیغینی یازان "جمهوری اسلامی" قزئتی، بوندان سونرا اوکراینانین اوزلشجیی حادثه‌لرین پوتینین ترامپلا سوده‌لشمه‌سینین نتیجه‌سی اولاجاغینی قید ائدیب.

"ایران اوکراینا-روسیا محاربه‌سین‌ده طرف‌سیز اولمالی ایدی، آنجاق روسیا ائله بیر وضعیت یاراتدی کی، ایران متهمه چئوریلدی و آغیر نتیجه‌لرله اوزلشدی"،- قزئت علاوه ائدیب.

سعودیه عربستانینین یارانمیش وضعیت‌دن استفاده ائد‌رک ۲۱۱ میلیارد دلارلیق نفت ساتدیغینی و بو حادثه‌لردن ان چوخ فایدالانان طرف اولدوغونو بیلدیره‌ن "جمهوری اسلامی"، ایرانین ضرر چکن طرف اولدوغونو یازیب.