تبریزین طب علملری اونیورسیتتینه باغلی خسته‌خانالار، کلینیکالار و تعلیم مرکزلرینین ایشچیلری اعتراض آکسیاسی کئچیریبلر.

Axar.az خبر وئریر کی، بو باره‌ده اونیورسیتتین نماینده‌سی حسین عبداللهی معلومات یاییب.

او، ایشچیلرین حقوقلارینین پوزولماسینا و ۱۰ آیدیر امک حاقلارینین اؤدنیلمه‌مه‌سینه گؤره آکسیایا ال آتدیقلارینی دئییب.

معلوماتا گؤره، ان گئنیش آکسیا تبریزین امام رضا خسته‌خاناسین‌دا اولوب.

خسته‌خانا ایشچیلرینین ایشی دایاندیرماسی پروبلملره سبب اولوب، خسته یاخینلاری ایله خسته‌خانا رهبرلییی آراسیندا قارشی‌دورمالار یارانیب.

تبریزین طب علملری اونیورسیتتینین رکتورو احمدرضا جودت اعتراضچی ایشچیلری گناهلاندیریب، اونلارین باره‌سینده اؤلچو گؤتورولمه‌سینی ایسته‌ییب.