ب.ام.ت-نین ایران‌دا انسان حاقلاری اوزره خصوصی معروضه‌چی‌سی مای ساتو ایران حکومتینین گونئی آذربایجان‌دا انسان حاقلاری فعاللارینا قارشی رپرسییالاری و اطراف محیط پروبلملری ایله باغلی یئنی حسابات حاضرلاییب.

Axar.az خبر وئریر کی، بو باره‌ده ب.ام.ت-نین مئدیا اورگانین‌دا معلومات درج اولونوب.

آذربایجان ایالتلرین‌ده اینسان حاقلاری، اطراف محیط و مدنی فعاللارا قارشی تضییقلرین آرتدیغینی قید ائد‌ن مای ساتو، ۸ آذربایجان‌لی فعالین اؤزباشینا حبس ائدیله‌رک تهرانین اوین حبسخاناسینا سالینمالارینی پیسله‌ییب.

"حکومتین یانلیش اداره‌چی‌لییی نتیجه‌سین‌ده یارانان اکولوژی بحرانلار، او جمله‌دن قوراق‌لیق، چیرکله‌نمه و اورمیا گؤلونون قوروماسی اقتصادی پروبلملری آغیرلاشدیریب، آذربایجان‌لیلارین مجبوری کؤچونو داها دا سرعتلندیریب"،- حسابات‌دا بیلدیریلیب.

مای ساتو اینسان حاقلارینین وضعیتی ایله باغلی یئرینده‌جه آراشدیرما آپارماق اوچون ایرانا سفر ائتمک اوچون چوخلو مراجعتلر ائتدیینی، آنجاق بو مراجعتلرین جواب‌سیز قالدیغینی قید ائدیب.

گلن هفته ب.ام.ت-نین انسان حاقلاری شوراسینین اجلاسین‌دا نظردن کئچیریلمه‌سی پلانلاشدیریلان بو حسابات‌دا، می ساتو بین‌الخالق اجتماعیت‌دن ایران‌دا وطنداش و سیاسی آزادلیقلارین بوغولماسینین قارشی‌سینی آلماق اوچون تعجیلی تدبیرلر گؤرمه‌یه چاغیریب.