تورکییه پرزیدنتی رجب طیب اردوغان روسیالی همکاری ولادیمیر پوتینله تلفن دانیشیغی زمانی روسیا ایله اوکراینا آراسیندا داوام ائد‌ن محاربه‌ده صلح دانیشیقلارینا ائو صاحیبلیینی تکلیف ائتمه‌سی روسیا طرفین‌دن مثبت دیرلندیریلر بیلر. اما اوکراینا طرفی ده، آمریکا دا بو تکلیفه راضی اولمالیدیر.

بو سؤزلری Axar.az-ا سیاست‌چی ناطیق جعفرلی اردوغانلا پوتین آراسین‌دا باش توتان تلفن دانیشیغی زمانی روسیا طرفینه ائدیلن تکلیفی شرح ائدرکن دئییب.

«محاربه‌نین اولین‌ده کئچیریلن استانبول گؤروشلری هله‌لیک نتیجه‌یه یؤنه‌لیک ان اوغورلو گؤروشلردن اولوب. سونرادان نتیجه‌لرینی رئاللاشدیرماق ممکن اولمادی. اما آنلاشمانین اؤزو اوکراینا اوچون ان یاخشی آنلاشمالاردان ایدی. اونا گؤره ده بئله گؤروشلرین باش توتماسی ممکن‌دور. یئری گلمیشکن، آمریکا و روسیا دیپلماتلارینین بیر راوند گؤروشلری ده استانبول‌دا، آمریکانین بوراداکی باش کونسوللوغوندا باش توتموشدو»، - او علاوه ائدیب.