سیزین آذربایجان رسپوبلیکاسی ایله یاخین مناسبتلرینیز وار، آنجاق احتیاط‌لی اولمالیسینیز، آذربایجان اسلام دنیاسینین خیرینه اولمایان حرکتلر ائدیر.

Axar.az خبر وئریر کی، بونو ایران رهبری علی خامنه‌اینین مشاوری علی اکبر ویلایتی پاکستانین ایران‌دا سفرده اولان داخلی ایشلر ناظری سید محسن نقوی ایله گؤروشونده دئییب.

«آذربایجان احمد الشارع و صهیونیست رژیمین نماینده‌لرینین گؤروشونو تشکیل ائدیر، اسرائیلین فلسطین‌لیلره قارشی جنایتلری ایله عینی واخت‌دا اسرائیله نفت گؤندریر»، - او، آذربایجان رسپوبلیکاسی باره‌ده عنعنوی ادعالارینی تکرار ائدیب.

ویلایتی بونا گؤره پاکستانی آذربایجان رسپوبلیکاسیندان حسابات ایسته‌مه‌یه دعوت ائدیب:

«سیز اونلاردان مسلمانلارین و اسلام دنیاسینین منافعینه ضد اولان حرکتلری نیه ائتدیکلری باره‌ده سوروشمالیسیز».

قید ائدک کی، اوزون ایللر ایران خارجی ایشلر رهبری اولان علی اکبر ویلایتی آذربایجانا قارشی خصوصی موقعی ایله سئچیلیب و ایران‌دا «قاتی آنتی‌تورک شخص» حساب ائدیلیر. ۹۰-جی ایللرده آذربایجان تورپاقلارینین اشغال اولونماسیندا و ارمنستانین اقتصادی-سیاسی باخیمدان آیاقدا قالماسین‌دا خصوصی رول اوینایان ویلایتی ۲۰۲۰-جی ایلدن سونرا قاراباغین اشغال‌دان آزاد ائدیلمه‌سینه گؤره آذربایجانی تبریک ائتسه ده، زنگزور دهلیزینین آچیلماسینا قارشی ان کسکین چیخیش ائد‌نلردندیر.