خودآفرین کؤرپولری تاریخاً آذربایجانین قوزئیی ایله گونئیینی بیرلشدیره‌ن، حاضردا ارمنیلر طرفین‌دن ایشغال ائدیله‌ن جبراییل رایونو اراضی‌سینده یئرلشیر.

Kult.az خبر وئریر کی، خودآفرین آذربایجان معمارلیق صنعتی تاریخینین بزیی ساییلان محتشم تاریخی عابده‌لریندندیر. آراز چایی اوزرینده سالینان ایکی خودآفرین کؤرپوسو معلومدور.

اونلاردان بیرینجی‌سی «باش خودآفرین کؤرپوسو» آدلانیر، اوزونلوغو ۱۳۰، ائنی ۶، هوندورلویو ایسه ۱۲ متردیر. ایکینجی کؤرپو ایسه ۱۵ آشیریملی اولماقلا اوزونلوغو ۲۰۰، ائنی ۴،۵ متر، هوندورلویو ۱۰ متردیر. باش خودافرین کؤرپوسونون داها قدیم اولماسی احتیمال ائدیلیر. بئله کی، بو کؤرپونون اهمنی ایمپرییاسی زامانیندا آغاجدان تیکیلمه‌سی و ائلدگیزلر دؤولتی زامانیندا ایسه داش و کرپیجله اوزلندیی گومان ائدیلیر. قزوینی یازیر کی، خودافرین کؤرپوسو محمد پیغمبرین یاخین آدامی اولان بکیر ابن عبدالله طرفیندن میلادی تاریخله ۷۳۶-جی ایلده اینشا ائتدیریلیب. خودآفرین کؤرپوسونون ماکدونییالی ایسگندر، یا دا روما سرکرده‌سی پومپئی طرفین‌دن تیکیلمه‌سی باره‌ده ده فرضییه‌لر ایر‌لی سوره‌نلر وار.

بو کؤرپونون هیندیستان‌دان باشلایاراق یاخین و اورتا شرق اؤلکه‌لری، روسییا و غربی آوروپا اؤلکه‌لری آراسیندا آذربایجانین اقتصادی و مدنی علاقه‌لرینین اینکیشافیندا بؤیوک اهمیتی اولوب.

خودآفرین کؤرپوسو ایله باغلی حاضیرلانمیش ویدئونو تقدیم ائدیریک: