خالق آرتیستی و پرزیدئنت مکافات‌چی‌سی حسن ائعامی تبریزی اوپئرا موغننی‌سی‌دیر.

Kult.az خبر وئریر کی، او، ۱۹۶۷-جی ایلده ایران ایسلام رسپوبلیکاسینین تبریز شهرین‌ده آنادان اولوب. آذربایجان موسیقی آنتولوگییاسینا اساساً معاصر دؤورده آذربایجانین ان مشهور اوپرا صنعت‌چیلریندن بیری ده حسن انعامی‌دیر.

آذربایجانین مشهور پیانو ایفاچی‌سی نرمینه افندیئوا ایله ائولیدیر. بیری قیز، بیری اوغلان اولماقلا ایکی اؤولادلاری وار. ۱۹۷۲-جی ایلده ایبتیدای صینیفه داخیل اولوب. ۱۹۸۱-۱۹۸۵-جی ایللرده وحدت اینتوریمنتال مکتبین‌ده تحصیل آلیب. مکتبی بیتیردیک‌دن سونرا ایسه حربی خیدمته یوللانیب و ۱۹۸۸-جی ایلده خیدمتینی تماملاییب. اوشاقلیغیندان بری موسیقییه قارشی حیرانلیق حس اولوب، لاکین ایران ایسلام انقلابینین موسیقینی قاداغان ائتمه‌سینه گؤره پئشه‌کار موسیقی تحصیلی آلماق شانسی اولماییب. ۱۴ یاشیندا ایکن او ویدئو یازیلاردان آذربایجان موسیقی‌سینی اؤیره‌نمه‌یه باشلامیشدیر.

۱۹۸۸-جی ایلده حکومت اؤزل موسیقی مکتبلرینین آچیلماسینا ایجازه وئریر. بئله مکتبلردن بیرینه یازیلان حسن، بورادا موسیقی نظریه‌سینی و سولفژیونو اؤیرنیر.

۳ تنور کونسرتین‌ده ایشتیراکیندان سونرا اوپئرا اوخوماغا قرار وئریر و ۱۹۹۰-جی ایلده تحصیل آلماق اوچون باکییا گلیر. ۲ ایل کئچدیکدن سونرا باکی موسیقی آکادمییاسینین وکال صینفینه قبول اولور. باکی موسیقی آکادمیاسینین رکتورو فرهاد بدلبیلی طرفین‌دن سسی چوخ بیه‌نیلن حسن بورادا پولسوز تحصیل آلیب.

حسن انعامی حاضردا تئاترین رپرتوارین‌دا اولان بیر سیرا تاماشالاردا تنور سس تمبری اوچون نظرده توتولموش پارتییالاری ایفا ائدیر و دولت سوییه‌سین‌ده کئچیریلن بیر چوخ یوبیلئی (گرامیداشت) و رسمی مراسیملرده اوغورلا چیخیش ائدیر. آذربایجان وکال صنعتینی آلمانییا، فرانسا، روسییا، بیرلشمیش عرب امیرلیکلرینده، اوکراینا، فینلاندییا، تورکییه، بولیوییادا تمثیل ائدیب.

حسن انعامی اوپئرا موغننی‌سی اولماقلا یاناشی، آذربایجان دولت سیمفونیک اورکستری ایله بیرگه سولیست کیمی ده چیخیش ائدیر.