آذربایجانین آز قالا بوتون دونیایا سس سالمیش، خصوصاً تورک دیل‌لی اؤلکه‌لرده گئنیش یاییلان ماهنیلارین‌دان بیری ده "سیزه سلام گتیرمیشه‌م" ماهنی‌سی‌دیر.

Kult.az خبر وئریر کی، بو محتشم ماهنینین سؤزلری والئه محمود دستپوشا، موسیقی‌سی ایسه بستکار و تارزن علی سلیمییه مخصوص‌دور.

ماهنی بیر چوخ مشهور موغننیلر طرفین‌دن اوخونوب. ماهنینین ایلک ایفاچی‌سی رشید بئهبودوو اولوب. یعقوب ظوروفچو، عالیم قاسیموو، شمیستان علیزامان‌لی، آذرین، بیلال علیئو، ائلجه ده تورکییه‌نین ایمتینا ائدیلمز سسی ایبراهیم تاتلیسس، سئلما گئچر، رویا چاغلانین ایفاسی، اؤزبکیستانین بیر چوخ ایفاچیلارینین بیرگه ایفاسی ایله بو ماهنییا حصر اولونان کلیپ، آوسترالییانین سیدنئی شهرین‌ده تشکیل اولونان کنسرت پروگرامین‌دا لاله ایبراهیمووانین بو ماهنینی ایفا ائتمه‌سی و هر کسی آیاغا قالدیرماسی ماهنینین نه قدر گئنیش بیر اراضینی احاطه ائتدیینین گؤستریجی‌سی‌دیر.

قیسا بیر مدت اؤنجه ایسه گونئی‌لی بستکارین بسته‌سی اولان ماهنی تورکییه‌نین ریتینگلی فیلمی اولان "دیریلیش ارتوغرول"دا دا سسلندیریلیب.

سؤزوگئ‌دن ماهنینی تقدیم ائدیریک: