آنا صحیفه ویدئو |
اردبیل شهرینده «کابوسوموز قالیجیدیر» اعتراض پئرفورمانسی آذربایجانلی صنعتکار و میللی-مدنی فعال مصطفی پروین طرفیندن نوماییش ائتدیریلیب.
آخار. آذ خبر وئریر کی، کونسپتوال و ویزوال ساحهلرینین صنعتکاری اولان پروین تاماشانی بیر قروپ اردبیللی ایزلییجینین قارشیسیندا صحنهنلشدیریب.
تاماشانین صحنه نلشدیریلدیی مکان صنعتکارین ائوینه چئوریلیب. بو موحیط صنعتکارین رسم اثرلرینده اولدوغو کیمی، المنتلر و نیشانلارین بیرلشمهسی، کوبود دکوراسییا و قارانلیق بیر یئر کیمی زامانین آتموسرینی عکس ائتدیریر.
صحنه نین ساغ طرفینده باش رول آکتیورو ایله یاناشی، قارا گئییملی بیر پلیس گوج ایستروکتورلارینین سیموولو کیمی دایانیب، او بو مدتده صحنه و تاماشاچیلاری ایزلهییب.
او، چیخیشی بویونجا بوگونکو جمعیتین شدت و اجتماعی-سیاسی ناراضیلیغینا دایر آنلاییشلارین چاتدیریلماسی اوچون بدنیندن رئاللیغین تعمینچیسی کیمی ایستیفاده ائدیب.
آذربایجانلی صنعتکار تهلوکهلی بیر وضعیته دوشدویو زامان بدن حرکتلرینی رادیکاللاشدیراراق اؤزونو سیگارئتله یاندیرماق، اوز و سینهسینی بیچاقلا کسمک، شوشه و گوزگو کیمی آلتلرله اؤزونو یارالاماق، اؤزونه شاللاق ضربهسی وورماق، سوندا ایسه اوزرینه یانیجی مایح تؤکهرک اؤزونو یاندیرماقلا بدنینین موختلیف ناحییهلرینه آغیر خسارت یئتیریب.
تاریخ
2019.05.25 / 13:11
|
مولف
آیتاج آراز
|