گؤیچایین چرکه کند ساکینی ۲۲ یاشلی صادق ممدوو ماراقلی بیر ماشین اختیراع ائدیب. یاریش آوتوموبیللرینی خاطیرلادان ماشین ۷۰ ک/ساعت سرعتله حرکت ائده بیلیر. ماشینین بوتون احتیاط حیصه‌لری ده ایختیصاصچا قایناقچی اولان صادقین اؤزونه مخصوصدور.

خزر خبر-این معلوماتینا گؤره، بو ایختیراسینی رئاللاش‌دیرماق اوچون او، ۲۰۰ مانات وسایت خرجله‌ییب.

بیر اوتوراجاقلی، سیوری اوجلو، ۴ تکرلی آوتوموبیل داها چوخ "راللی" یاریشلاریندا ایشتیراک ائد‌ن ماشینلارا بنزه‌سه ده، ۲۰-جی عصرین اوللرینده ایستحصال اولونان "مرسدس سیمپلکس" مدلینی ده خاطیرلادیر.

گون‌دلیک نقلیات کیمی ایستیفاده اولونان بو آوتومبیل سوروجو ایله یاناشی ۷۰ کیلو گرام یوک ده داشییا بیلیر. یاناجاق سیستمینین ۴ لیتره قدر توتومو وار. محرریکی ایسه آرخا حیصه‌ده یئرلشیر.

صادقین سؤزلرینه گؤره، آرزوسو ایختیراع ائتدیی آوتوموبیلی بیر آز دا تکمیللشدیره‌رک، آوتوماتیک اولاراق اوست اؤرتویونون اؤرتولمه‌سی، سرعتین آرتیریلماسی و یئنی مدئل آوتومابیللرده اولان کنفورتون آلینماسی‌دیر. بوندان باشقا، هر هانسی بیر شیرکت طرفین‌دن کؤمکلیک اولوناراسا، یئرلی آوتومابیل ایستحصالیندا بیر ایلکه ایمضا آتا بیلجیینی ده دئییر.