۲۰۱۷-جی ایلین ان پیس آوتومبیللرینین آدی آچیقلانیب.

آخار. آذ خبر وئریر کی، سیاهینی آمریکانین «کونسیومر رپورتس» ژورنالی ترتیب ائدیب. سیاهییا دونیانین ۱۰ آوتومبیل مودلینین آدی داخیل اولوب.

بو ایل ان پیس آوتوموبیل «میتسوبیشی میراژ» سئچیلیب. بونا سبب اونون محرریکینده‌کی گوجلو تیترییش، گوج چاتیشمازلیغی و هئچ بیر اؤزللیگی اولمایان سالونو اولوب. کومپاکت الکتریک و هیبرید آوتوموبیللر سیراسیندا ان پیس گؤستریجینی ده «میتسوبیشی» شیرکتی گؤستریب. بئله کی، بو کاتگورییادا ان پیس آدی «میتسوبیشی ی-میئو» قازانیب. بو مدل داها چوخ «اینکیشاف اتدیریلمیش»، «آستا»، «ناراحات و سرت» سؤزلری ایله تصویر ائدیلیب. اوسته‌لیک، اوزونموددتلی انرژی ییغما پروسسی زامانی ماشینین باطریسی افکتیو نتیجه وئرمیر.

ان پیس کومپاکت آوتوموبیللر سیراسین‌دا «فیات ۵۰۰ ل» ده یئر آلیب. «فیات ۵۰۰ل»-این دوز اوتوراجاقلاری، سوروجونو قریبه اوتوراجاق مؤوقئیی، یوکسک ائتیبارلیلیغینین اولماماسی ائکسپئرتلری بئله قرار وئرمه‌یه مجبور ائدیب.

«کرایسلئر ۲۰۰» ایسه ان پیس اورتا حجم‌لی سئدان سئچیلیب. بو مدل‌ده دؤردسیلیندیرلی محرریکین پیس ایشله‌مه‌سی، اعتیبارلیغین لازیمی سوییه‌ده اولماماسی، ناراحات ایدارئتمه قئی‌ده آلینیب.

«تویوتا تاکوما» ایسه ان پیس کومپاکت پیکاپ آدلاندیریلیب. آوتوموبیل پریمیتیولیگی، آغیر ایدارئدیلمه‌سی، سالونوندا حددن آرتیق سسین اولماسی ایله بو آدی آلیب.

اورتاحجم‌لی کروسسووئرلر آراسیندا ایسه ان پیسی «دوچ جورنی» سئچیلیب. ماشین‌دا چاتیشمایان جهتلر ائتیبارلیلیغین آشاغی اولماسی، مانئور قابیلیتینین چاتیشماماسی، و۶ محرریکینین ایسرافینین چوخ اولماسی‌دیر.

«مرسدس بنز جلا» دا ان پیسلر آراسیندا یئر آلیب. بو آوتوموبیلین سالونون سس حددن آرتیق چوخدور. اوسته‌لیک، ماشینین داخیلی سیخدیر، سالونا گیریش ایسه چتیندیر. «مازراتتی قیب‌لی»ده «مرسدس»له عینی تالعیی بؤلوشور. مدلین اعتیبارلیلیغینین آشاغی اولماسی و یاناجاق صرفیاتینین چوخ اولماسی اونون جلب ادیجیلیینی یوخ ائدیب.

«لند رووئر دیسکوئری ایسپورت» دا ان پیس کروسووئرلر آراسیندا اؤزونه یئر ائدیب. ماشینین ترانسمیسییاسی، محرریکینین ایشله‌مه‌سی مشتریلر طرفیندن سئویلمیر. نورمال یوللاردا سکانین ایدار ائتمه‌سی ده آوتوموبیل سئورلرین خوشونا گلمیر. ماشینین مولتیمدییا سیستمی چوخ لنگ رئاکسییا وئریر. اوسته‌لیک، آوتومبیلین سالونو اؤز سینفی اوچون چوخ ساده‌دیر.

«کادیلاک اسکالادهئ» ایسه دبدبه‌لی کروسسووئرلر آراسیندا ان پیسی‌دیر. بئله کی، کروسسووئرین هامار حرکتی یئترلی دئییل. اوسته‌لیک، آوتوموبیلین سالونو ناراحاتدیر، ایکینجی جرگه‌ده‌کی اوتوراجاقلار چوخ آلچاقدیر، مولتیمدییا سیستمی چوخ قاریشیقدیر، اعتبارلیلیق ایسه یوکسک دئییل.