چین‌ده ۴ سوروجوسوز آوتوبوس قواندون ایالتینین شنچژن شهرینده یوخلاما رژیمینده سرنیشین داشیمالاری حیاتا کئچیرمه‌یه باشلاییب.

آخار. آذ خبر وئریر کی، بو باره‌ده «سینخوا» آگنتلیگی اینفورماسییا یاییب.

معلوماتا گؤره، پیلوتسوز آوتوبوسلار اؤلچولرینه اساساً عادی سرنیشین آوتوبوسلاری ایله عینی‌دیر. ۱.۲ کیلومئترلیک ۳ دایاناجاقلی مارشروت خطی بویونجا پیلوتسوز آوتوبوسلارین سرعتی ساعتدا ۱۰ کیلومترله ۳۰ کیلومتر آراسیندا دییشیر.

آوتوبوس موختلیف لازر سئنسورلاری، کامئرالار و گپس آنتنالاری ایله تجهیز اولونوب. آوتوبوس همچینین پیادا کئچیدی، آوتومبیل، سکیلرله توققوشماقدان یایینما، حرکت خطینی دییشمه و تعیین اولونموش یئرده دایانما ایمکانلارینا مالیکدیر.

قئید ائدک کی، سرنیشینلرین تهلوکه‌سیزلیگی نظره آلیناراق، آوتوبوسدا هر احتیمالا قارشی سوروجو ده اولور. اونلارین وظیفه‌سی فؤوق العاده وضعیتلر اولاجاغی حالدا آوتوبوسو آوتومات رژیمدن چیخارماق و تورموزلاما سیستمینی ایشه سالماقدان عبارتدیر.