جاری ایلین ایلک آلتی آییندا اؤلکه‌ده ۳۷۷،۵۱۷ آوتوموبیل ایستحصال ائدیلیب.

بو، اؤتن ایلین عینی دؤورو ایله موقاییسه‌ده ۳۴،۸ فایز آزالما دئمک‌دیر.

عینی زامان‌دا جاری ایلین بیرینجی یاریسیندا اؤلکه‌ده ۳۴۸ مین ۲۶۸ سرنیشین آوتوموبیلی ایستحصال ائدیلیب کی، بو، ۱۳۹۷-جی ایل ایله موقاییسه‌ده ۳۵،۹ فایز آزالما اولدوغو آنلامینا گلیر.

ایلک آلتی آیدا ون (بالا مینیبوس) ایستحصالی ۸۵،۷%، مینیبوس ایستحصالی ۶۵.۹%، آوتوبوس ایستحصالی ۶۰.۹%، یوک ماشینی ایستحصالی ۷۹،۷% آزالیب. یالنیز «وانت» ایستحصالین‌دا ۳% آرتیم وار.

«ایران خودرو» صنایع قروپو بو ایلین ایلک آلتی آییندا ۱۵۹،۴۹۷ آوتوموبیل نؤولری ایستحصال ائدیب. بو دا اؤتن ایلین ایلک یاریسیندان ۳۶،۷ فایز آزالما اولدوغونو گؤستریر. بو ایلین ایلک یاریسیندا سایپا گرووپ-اون وضعیتی آوتوموبیل ایستحصالیندا ۲۰.۷% آزالما قیده آلینیب.