«رؤیترز» آگنت‌لیگی روسیا پرزیدنتی ولادیمیر پوتینین آمریکالی همکاری دونالد ترامپلا آلیاسکاداکی گؤروش‌ده اوکراینایا قارشی محاربه‌نی دایاندیرماق اوچون طلبلرینی یاییملاییب. بونلارین ایچریسین‌ده یئنه «اوکراینادا روس دیلینه دولت ایستاتوسو وئریلمه‌لیدیر» طلبی یئر آلیب. کرملین طلبلری ایچریسینده اوکراینانین قوشون حصه‌لرینین دونتسک و لوگانسکین یئرده قالان اراضی‌سیندن چیخاریلماسی دا وار. کریم و شرقی اوکراینانین بیر حصه‌سی روسییانین اشغالی آلتیندادیرسا و ایندیکی شرطلر آلتیندا کیئو اوچون بو رئال‌لیغی دییشمک چتیندیرسه، کرملین ندن روس دیلی مسئله‌سینده اسرارلیدیر؟ آخی اوکراینانین روس دیلینده دانیشان بؤلگه‌لرینین اهمیتلی حصه‌سی اونسوز دا روسیانین اشغالی آلتیندادیر، دیگر بؤلگه‌لرین اهالی‌سی ایسه اساساً اوکراینا دیلینده دانیشیر. بونا باخمایاراق، کرمل اوچون روس دیلی مسئله‌سی «قیرمیزی چیزگیدیر».

Axar.az خبر وئریر کی، بونو پولیتولوگ الخان شاهینوغلو دئییب.

«کرملین بو سیاستی اوکراینا ایله یاناشی دیگر قونشو اؤلکه‌لره مناسبت‌ده ده تطبیق ائدیر. روسیانین خارجی ایشلر ناظری سرگئی لاوروو اؤزبکستانا سفری زمانی بو اؤلکه‌ده روس دیلینده استفادنین محدودلاشدیریلماسیندان ناراضی‌لیغینی گیزلتمه‌ییب. کرملیین قازاخستانین دا دیل سیاستی ناراحات ائدیر.

بو، کرملین باشقا دولتلرین داخلی ایشلرینه قاریشماسیدیر. بیر گون آذربایجان‌دا دولت بودجه‌سی حسابینا روس دیلینده تدریسین محدودلاشدیریلماسینا قرار وئریلرسه، کرملین بیزه قارشی عینی طلبی سسلندیره‌جک. روس دیلی مسئله‌سی کرملینین شانتاژ آلتینه چئوریلیب. بو آلتدن بیز ده قورتولمالیییق"، - شاهینوغلو بیلدیریب.