آوروپا بیرلییی لیدرلری آمریکا ایله روسیا آراسیندا آپاریلان صلح دانیشیقلارینین اوغورسوز اولاجاغینی گؤزلییر و بو پروسسی ترامپین پوتینین صمیمی اولمادیغینی آنلاماسی اوچون فرصت کیمی گؤرور.

Axar.az خبر وئریر کی، بو باره‌ده «پولیتیکو» قزئتی یازیب.

«آوروپا لیدرلری حساب ائدیر کی، دانیشیقلار داوام ائتمه‌لیدیر کی، آمریکا پرزیدنتی دونالد ترامپ روسیا پرزیدنتی ولادیمیر پوتینین محاربه‌نی بیتیرمک نیتین‌ده اولمادیغینی اؤزو درک ائتسین. آوروپانین پلانی ترامپا دستک گؤسترمک، اونو تعریفله‌مک و گذشته گئتمکدیر کی، او، نتیجه‌ده پوتینین بلف ائتدیینی باشا دوشسون»، - مقاله‌ده قئید اولونور.

آوروپالی دیپلماتلاردان بیری ایسه نشره بیلدیریب کی، اگر پوتین محاربه‌نی بیتیرمک ایستمدیینی آچیق شکیل‌ده گؤسترسه، بو، ترامپی حرکته کئچمه‌یه مجبور ائد‌جک و روسیایا قارشی سانکسیالارین آرتیریلماسی اوچون آرقومنتلری گوجلندیره‌جک.