آذربایجان پرزیدنتی الهام علیئو و ارمنستان باش ناظری نیکول پاشینیان آمریکا پرزیدنتی دونالد ترامپین واسطه‌چی‌لییی ایله آوگوستون ۸-ده واشینگتن‌دا گؤروشدوکدن و صلح سازشینی پارافلادیقدان سونراکی ایکی آی عرضینده ۴ دفعه گؤروشوب فکر مبادله‌سی آپارماق امکانی قازانیبلار: ایکی اؤلکه‌نین لیدرلری شانخای امکداشلیق تشکیلاتی، آوروپا سیاسی بیرلییی، مستقل دولتلر بیرلییی و مصرده یاخین شرق صلح سامیتین‌ده اشتراک ائدیبلر و فرصت‌دن استفاده ائد‌رک فکر مبادله‌سی آپاریبلار.

Axar.az خبر وئریر کی، بو سؤزلری پولیتولوگ الخان شاهین اوغلو قید ائدیب.

«ایلین سونونا قدر ایکی لیدرین دیگر تدبیرلرده اشتراکی دا ممکن‌دور و بو، اونلارا فکر مبادله‌سینی داوام ائتدیرمک امکانی یاراداجاق. بو دیالوگ جنوبی قفقازدا صلح و ثابیتلیین برقرار اولماسی باخیمیندان فایدالی‌دیر. ارمنی رادیکاللار نیکول پاشینیانین الهام علیئوله آرتان تماسلاریندان ناراحات اولسالار دا، بونا قارشی آرقومنتلری یوخدور، چونکی «بو گؤروشلر ارمنستانین ماراقلارینا ضیددیر» کیمی منطیق‌سیز آچیقلامالارین اونلارین ایشینه یارامایاجاغینی آنلاییرلار»، - او وورغولاییب.