ایرانین مدافعه و سلاحلی قوه‌لره دستک ناظری عزیز نصیرزاده‌نین آذربایجانا سفری ایکی کونتئکست‌ده خصوصی اهمیت کسب ائدیر.

بیرینجیسی، سفرین آمریکا-ایران دانیشیقلارینین باشلاندیغی گون رئاللاشماسی‌دیر.

بو، تکجه واشینگتونلا قارشیدورما یاشایان تهرانین رئگیونال مستوی‌ده تهلوکه‌سیزلیک آراییشیندان یوخ، عینی زامان‌دا، باکینین ممکن واسیطه‌چیلییندن ده قایناقلانا بیلر. استثنا دئییل کی، آمریکا ایله دانیشیقلار ماساسینا ایلشن ایران اسرائیلله ده آرخا فوندا معین تماسلاری قوروب، یاخود قورماق نیتینده‌دیر. داها اؤنجه روسییانین ایران-اسرائیل خطینده معین تماسلار قوردوغو حاقدا اینفورماسییالار یاییلمیشدی. حاضردا باکینین تهران-تل‌آویو خطینده دیپلوماتیک کؤرپو یاراتدیغی احتیمالی گؤرونور و یا ایرانین آذربایجان‌دان بئله ایستکلری وار.

ایکینجی‌سی، عزیز نصیرزادنین پرزیدنت ایلهام علیئوله گؤروشده «پزشکیانین گؤستریشی ایله سفره گلدیینی» وورغولاماسی‌دیر.

بو دتال باکی-تهران خطینده ایکی مسئله‌نی اؤن پلانا چیخاریر.

- پزشکیان باکی ایله تماسلاری سیخلاشدیرماقلا ایران‌دا محافظه‌کار قانادین آذربایجانی هدف سئچمه‌سینین قارشیسینا سد چکیر. نصیرزادنین قبول‌دا «پرزیدنت پزشکیان آذربایجانا بؤیوک تعصب‌کئش‌لیک نماییش ائتدیریر» ایفاده‌سی بو باخیمدان، ماراق کسب ائدیر.

- باکینین تهران-تل‌آویو خطینده ممکن تماسلار قورماسی، یاخود بئله بیر تکلیف ایراندا پزشکیانین کومانداسینین تشبوسودور. ممکن‌دور کی، آمریکانین حربی مداخیله‌سینین قارشی‌سینی آلماق مقصدیله مختلیف دیپلوماتیک کاناللارلا ایشله‌ین ایران رهبرلیینده پزشکیان علیئو خطیندن استیفاده ائتمک میسسییاسینی اوزرینه گؤتوروب. پرزیدنت ایلهام علیئو پزشکیانلا تلفن صحبتینده «گرگینلیین آرادان قالدیریلماسینا تپهفه وئرمه‌یه حاضر اولدوغونو» دئمیشدی. بو زنگ‌دن سونرا و محض اومان‌دا دانیشیقلارین باشلاندیغی گون پزشکیانین نصیرزادنی باکییا گؤندرمه‌سینی بئله اوخویا بیلریک.