آذربایجانین قورو سرحدلرینین یاخین پرسپکتیوده آچیلماسی احتمالی رئال گؤرونمور و بو مسئله بیرباشا رگیونال تهلوکه‌سیزلیک ریسکلری ایله باغلی‌دیر.

بو سؤزلری Axar.az-آ آچیقلاماسین‌دا ملت وکیلی المان نصیروو قورو سرحدلرین آچیلماسی پرسپکتیوین‌دن دانیشارکن دئییب.

ملت وکیلی بیلدیریب کی، ۲۰۲۰-جی ایلین مارت آیین‌دان اعتباراً پاندمییا سببیله باغلانان قورو سرحدلرینین پوست-پاندمیا دورون‌ده ده باغلی قالماسینین اساس سببی آرتیق ساغلام‌لیقلا دئییل، تهلوکه‌سیزلیک مسئله‌لری ایله علاقه‌لندیریلیر و بو عامل ان یوکسک سیاسی سویه‌ده دفعه‌لرله وورغولانیب:

«سون گونلر ایرانین مدنی ارث، توریزم و ال ایشلری ناظری رضا صالحی امیرینین باکی ایله تهران آراسین‌دا سرنیشین داشیمالارینین برپاسی ایله باغلی آچیقلاماسی دقت چکسه ده، بو استقامت‌ده کونکرت سیاسی قرارین وئریلدیینی قطعی شکیل‌ده سؤیله‌مک چتیندیر.

قورو سرحدلرینین آچیلماسی بیرباشا تهلوکه‌سیزلیک مسئله‌لرینین مثبت حلیندن آسیلی‌دیر. آذربایجان حاضردا یالنیز ایرانلا دئییل، دیگر قونشو اؤلکه‌لرله ده قورو سرحدلرینی باغلی ساخلاییر. بو سبب‌دن یالنیز بیر اؤلکه ایله سرحدلرین آچیلماسی، دیگرلری ایله باغلی قالماسی منطیقی و راسیونال یاناشما کیمی گؤرونمور».

المان نصیروو قید ائدیب کی، ایرانلا سرحدلرین آچیلماسینین پیلوت لاییحه کیمی دیرلندیریلمه‌سی احتمالی مذاکره اولونسا دا، اساس معیار یئنه ده تهلوکه‌سیزلیکدیر:

«خصوصیله سون دورده رگیون‌دا باش وئرن پروسسلر، او جمله‌دن ایران–اسرائیل آراسین‌دا یاشانان گرگینلیک و آمریکا–ایران مناسبتلرینین کریتیک حده چاتماسی فونون‌دا تهلوکه‌سیزلیک و میقراسیا مسئله‌لری داها دا آکتواللاشیب. بئله بیر شرایط‌ده سرحدلرین آچیلماسینین تهلوکه‌سیزلیک باخیمین‌دان ضمانتلی اولاجاغینی دوشونمک رئال گؤرونمور.

لاکین رگیوندا تهلوکه‌سیزلیک باخیمین‌دان وضعیت ثابیتلشرسه، موجود تهدیدلر آرادان قالخارسا، پرسپکتیوده قورو سرحدلرین آچیلماسی مسئله‌سی یئنی‌دن آکتواللاشا بیلر. بو حال‌دا باکی–تبریز و دیگر استقامتلر اوزره سرنیشین داشیمالارینین برپاسی دا استثنا اولونمور. بونون اوچون ایسه موافق تهلوکه‌سیزلیک محیطینین فورمالاشماسی و جدی ضمانتلرین تعمین ائدیلمه‌سی ضروری‌دیر».