بؤیوک بریتانیا حکومتی آمریکایا ایرانا قارشی ممکون حربی ضربه‌لر اوچون اؤلکه اراضی‌سینده یئرلشن حربی بازالاردان استفاده ائتمه‌یه اجازه وئرمه‌ییب.

Axar.az خبر وئریر کی، بو باره‌ده بی.بی.سی معلومات یاییب.

قید اولونوب کی، آمریکا داها اول یاخین شرقده عملیاتلار زمانی گلوسترشیر گرافلیغین‌دا یئرلشه‌ن راف فایرفورد آویابازاسیندان، ائلجه ده هیند اوکیانین‌دا یئرلشن و بؤیوک بریتانیانین خارجی اراضی‌سی ساییلان دیگو گارسیا آداسینداکی بیرگه حربی بازادان استفاده ائدیب.

«تایمز» قزئتینین یازدیغینا گؤره، آمریکا پرزیدنتی دونالد ترامپین باش ناظر کی‌یر استارمرین چاگوس آدالارینین ماوریکییه وئریلمه‌سی و همین اراضی‌ده یئرلشن بیرگه بؤیوک بریتانیا–آمریکا حربی بازاسینین اجاره‌یه گؤتورولمه‌سی ایله باغلی راضیلاشمانی تنقید ائتمه‌سی محض لوندونون بازالاردان استفاده اوچون اجازه وئرمه‌مه‌سی ایله علاقه‌لی اولا بیلر.

بؤیوک بریتانیا حکومتی ایسه مسئله ایله باغلی آچیقلاماسین‌دا بیلدیریب:

«عملیات مسئله‌لری ایله باغلی شرح وئرمیریک».