تبریزین "تراکتور" کلوبو ایران فوتبول فدراسییاسین‌دان فیفا-یا شکایت ائدیب.

Axar.az خبر وئریر کی، بو باره‌ده جنوبی آذربایجان تمثیلچی‌سینین مطبوعات خدمتی معلومات یاییب.

کلوبون اداره هیئتی طرفیندن امضالانان و فیفا-نین باش کاتبینه عنوانلانان مراجعت اوچ اساس استقامتی احاطه ائدیر.

شکایتده ایلک نوبه‌ده فورس-ماژور پرینسیپلرینین پوزولماسی، اویونلارین تهلوکه‌سیزلیی و عدالتلی اداره‌ائتمه‌نین اولماماسی قید ائدیلیب.

ان جدی بؤلمه ایسه "تراکتور" کلوبونا و اونون ملی عضوو اولان فوتبولچولارینا قارشی داوام ائد‌ن ائتنیک و عرقی آیری-سئچکی‌لیکدیر. کلوب رهبرلیی فدراسییانین بو تحقیرلره قارشی سس‌سیز قالدیغینی و غرضلی مؤقع نماییش ائتدیردیینی بیلدیریب.

همچنین ویدئو کمکچی حاکم (وار) سیستمینین تطبیقینده‌کی ناتمام‌لیقلار دا شکایته علاوه اولونوب.

قید ائدک کی، کلوب صاحبی محمدرضا زنوزی بیر مدت اول بو آیری-سئچکیلیک داوام ائدرسه، کومان‌دانین چمپیونات‌دان چکیله بیلجه‌یی ایله باغلی خبردارلیق ائتمیشدی.