افسوسلار اولسون کی، وطن محاربه‌سی ارمنیستان دولتینه درس اولمادی. حالبوکی ۲۰۲۰-جی ایلین ظفریندن سونرا دفعه‌لرله مختلف یوللارلا ارمنیستان رهبرلیینه بیز اؤز موقعییمیزی چاتدیرمیشدیق – هئچ کیمه گوونمه‌سین، هئچ کیمه بئل باغلاماسین.

Axar.az خبر وئریر کی، بو سؤزلری پرزیدنت ایلهام علیئو خوجالی رایون اجتماعیتینین نماینده‌لری ایله گؤروشده دئییب.

"خارجی اؤلکه‌لرین حرب‌چیلری بیزیم تورپاغیمیزدا بیزیم اجازه‌میزله موقتی اولاراق یئرلشیبلر. اگر کیمسه حساب ائدیر کی، بو بیزی ندنسه چکیندیرجک، سهو ائدیر. دفعه‌لرله ارمنیستان طرفینه خبر گؤندرمیشدیک کی، سپاراتچیلیغا سون قویولسون، قانونسوز خونتا رژیمی فعالیتینی دایاندیرسین، قاراباغ تورپاغین‌دا یاشایان ارمنیلر آذربایجان وطنداشلیغینی قبول ائتسینلر. بونو دفعه‌لرله بیلدیرمیشدیک. حتی اینترنت واسطه‌سیله رینتگراسییا پروگرامینی تقدیم ائتمیشیک، اما بیز آدکوات جواب آلمامیشیق. عکسینه، سپاراتچیلار و اونلارین آرخاسین‌دا دوران قوه‌لر داها دا آزغینلاشمیشدی. ۲۰۲۰-جی ایلین ظفریندن ۲۰۲۳-جو ایلین آنتی‌ترور عملیاتینا قدر بورایا دفعه‌لرله خارجی دولتلرین نماینده‌لری قانون‌سوز گلمیشدیلر. بوگونکو مراسم‌ده او اؤلکه‌لرین هئچ آدلارینی چکمک ایسته‌میرم. سپاراتچیلارا اورک-دیرک وئرمک اوچون، اونلاری بیزه قارشی یئنه ده تحریک ائتمک اوچون، آذربایجان دولتینی، دولتچیلیینی سایماماق اوچون توصیه‌لر وئریلیردی، سلاحلار گؤندریلیردی، مینالار گؤندریلیردی. حساب ائدیردیلر کی، خارجی دولتین بورادا مسکونلاشان کونتینگنتی بیزی ندنسه چکیندیرجک. بیزی هئچ ندن چکیندیره بیلمزدی و بیر نئچه ساعت عرضینده داوام ائد‌ن آنتی‌ترور عملیاتی بونو بوتون دنیایا گؤستردی. بیزیم اراده‌میزه قارشی چیخانین باشی ازیله‌جک"، - پرزیدنت ایلهام علیئو قید ائدیب.