آذربایجانین خارجی ایشلر ناظری جیحون بایرام‌اف‌لا تورکییه‌لی همکاری حاکان فیدان آراسیندا تلفون دانیشیغی آپاریلیب.

Axar.az خبر وئریر کی، بو باره‌ده آذربایجانین خارجی ایشلر ناظرلییی معلومات یاییب.

تلفون دانیشیغی زامانی رئگیوندا موجود اولان حربی-سیاسی وضعیت، یاخین شرقده آرتان گرگینلیک و تهلوکه‌سیزلیک ریسکلری اطرافیندا فیکیر مبادیله‌سی آپاریلیب.

طرفلر رئگیونال اسکالاسییانین داها گئنیش جغرافییایا یاییلماسینین یول‌وئریلمز اولدوغونو وورغولایاراق، مسئله‌لرین بین‌الخالق حقوق نورمالاری و پرینسیپلری اساسیندا، دیپلوماتیک یوللارلا حلینین واجیبلیینی قید ائدیبلر.

ناظرلر بؤلگه‌ده ثابیتلیین و تهلوکسیزلیین قورونماسینین اهمیتینی وورغولاییب، خصوصیله ملکی اهالینین و اوبیکتلرین تهلوکسیزلیینین تامین اولونماسینین پریوریتت مسئله اولدوغونو بیلدیریبلر.

آذربایجان و تورکییه آراسیندا استراتژی متفیق‌لیک مناسیبتلرینین موجود چاغیریشلار فونوندا داها دا اهمیت کسب ائتدیی قید ائدیلیب، ایکی قارداش اؤلکه‌نین سیخ کوردیناسییاسینی داوام ائتدیرجه‌یی وورغولانیب.

تلفون دانیشیغی زامانی قارشیلیقلی ماراق دوغوران دیگر مسئله‌لر اطرافیندا دا فیکیر مبادیله‌سی آپاریلیب.