بو گون ایران پوا-لارینین ناخچیوان بین‌الخالق هوا لیمانینا دوشمه‌سی بیر واجیب سوالا قاچیلماز جواب طلب ائدیر: بو، قصداً ائدیلن هجوم‌دور، یوخسا محاربه فسادی، یانیلما، سهو؟

Axar.az خبر وئریر کی، ایران ۲۸ فورال‌دان ایندیدک اولمایان سویه‌ده هجوملا اوز-اوز‌دیر: اؤلکه‌نین دینی لیدری ده داخل اولماقلا، کومان‌دانلیق ایلک دقیقه‌لرده آرادان گؤتورولوب، آردینجا ضربه‌لر اینتنسیولشیب. هر کئچن گون ضربه‌لرین مقیاسی آرتیق.

ایران جواب اولاراق کؤرفز اؤلکه‌لرینه ده هجوم ائدیر، باخمایاراق کی، اؤزو بونا «آمریکانین رگیون‌داکی حربی وارلیغینین هدف آلینماسی» آدینی قویوب. آنجاق عرب اؤلکه‌لرین‌ده نفت بازالارین، انرژی سیستمینین، هوا و دنیز لیمانلارینین هدف سئچیلمه‌سینین آمریکا بازالاری ایله هئچ بیر علاقه‌سی یوخدور.
ایران بونا دا جواب وئره بیلر: کؤرفز اؤلکه‌لری هاوا مکانینی اسرائیل و آمریکا اوردولارینا آچیب، بونا گؤره ده محاربه‌نین پاسیو ده اولسا، اشتراکچی‌سی ساییلیرلار. بس، اؤتن گون تورکیه‌یه بالستیک راکت هجومو، بو گون ایسه ناخچیوان هوا لیمانینا ضربه‌نین اضاحی وارمی؟

اؤتن گون غرب مئدیاسی ایرانین بالستیک راکتینین تورکیه‌ده «آمریکا بازاسینا دوغرو استقامتلندیی» حاق‌دا معلومات یایمیشدی. ایران اؤزو ایسه تورکیه‌ده هر هان‌سی اوبیکتی هدف آلمادیغینی آچیقلادی. بونا باخمایاراق، تورکیه استقامتین‌ده راکتین ده بیر «یوزومونو» ایران تاپا بیلر.

آذربایجان نیه هدف سئچیلیر؟ بلکه، پوا-لار هدف‌دن یایینیب؟ یانلیشلیق اولوب؟ بلکه، پوا-لار فرقلی استقامته اوچارکن سرحدی کئچیب و هوا هجوموندان مدافعه سیستملری طرفین‌دن وورولوب، فسادلار پوا قالیقلارینیندیر؟

سون سوال‌دان باشلایاق. بو ویدئویا باخین:

آچیق-آیدین گؤرونور کی، بورادا پوا-نین وورولماسی و یاخود پوا قالیغینین اراضییه دوشمه‌سیندن صحبت گئتمیر – بوردا پوا محض هجوم ائدیر. هم ده بو پوا ناخچیوان بین‌الخالق هاوا لیمانی یاخینلیغین‌داکی مکتبین اراضی‌سینه هجوم ائدیر.

دئمک، بوردا هجوم‌دان دانیشمالیییق!

بلکه، پوا-لار هدف‌دن یایینیب و اداره‌ائتمه‌دن چیخیب؟

خریطه‌لره باخین:

۱. اسرائیل و آمریکا ایرانا کؤرفزدن، عرب اؤلکه‌لرینین هوا مکانیندان هجوم ائدیر – ایرانین شمال-غربینین آذربایجانلا سرحد حیصه‌سینین سول طرفی تورکیه ایله اوزون سرحد زولاغینی احاطه ائدیر. تورکیه ایله بو سرحد زولاغینین اوزونلوغو ۵۳۴ کیلومتردیر. تورکیه‌نین هوا مکانیندان ایرانا هئچ بیر هجوم باش وئرمدیی اوچون ایرانین مدافعه و هجوم استقامتی آذربایجان سرحدیندن ان آزی ۳۰۰-۴۰۰ کیلومتر جنوب‌دا اولمالیدیر.

۲. اسرائیل و آمریکا ایرانین شمال-غربینده یالنیز تبریز و اورمیاداکی حربی اوبیکتلره ضربه ائندیریر. خریطه‌دن ده گؤروندویو کیمی، تبریز و اورمیادان آذربایجان سرحدینه قدر مسافه ۲۰۰ کم-دن چوخدور.

ناخچیوانا دوشن هجوم پوا-لاریدیر. بو هجوم پوا-لاری اؤلکه‌نین شمال-غرب سرحدینده نه گزیر؟

۳. وطن محاربه‌سی زمانی دا هم آذربایجان، هم ده ارمنستان طرفدن ایران اراضی‌سینه توپ مرمیلرینین دوشمسی فاکتی اولموشدو، آنجاق بونون تصادف اولدوغو درحال آچیقلانمیش، عذر ایستنیلمیشدی، باخمایاراق کی، ایران ان سرت شکیلده بو تصادفه گؤره آذربایجانی هده‌لمیشدی.

ایندی ایسه تکزیب یوخدور، درحال آچیقلاما دا وئریلمه‌ییب.

۴. اگر دوغرودان دا هر هانسی تصادف، سهو باش وئریبسه، تصادفاً هجوم پوا-لاری آذربایجانلا سرحدده اوچارکن سهو ائدیبسه، نیه محض ایستراتژی اینفراستروکتورا – بین‌الخالق هوا لیمانینا یؤنلیر؟

۵. نئجه اولور کی، ایکی پوا عینی واخت‌دا تصادفاً سرحدی کئچیر و ایکی‌سی ده محض هوا لیمانینا دوشور؟

۶. سپاه-ا یاخین تلگرام کاناللاری بو خبری بو جور تیراژلاییر: «آذربایجانا هجوم ائتدیک».

بو قدر «تصادف» اولمور و سپاه کاناللاری حاقلی‌دیر.

بو هجومدور!