بو گون ایرانین ناخچیوان بین‌الخالق هوا لیمانینا درون هجومو باره‌ده خبرلرین یاییلماسیندان قیسا مدت سونرا گونئی آذربایجان‌لیلار گئنیش کامپانییا باشلادیبلار.

Axar.az خبر وئریر کی، خصوصاً خاریج‌ده یاشایان گونئی آذربایجان‌لیلار موضوع ایله باغلی چوخسایلی پایلاشیملار ائدیبلر.

گونئی‌لی سوسیال مئدیا استفاده‌چیلری و ملی-سیاسی فعاللار تهران رژیمینین درون هجومونو پیسله‌ییب، بونون ایرانین داخیلینده آغیر نتیجه‌لره سبب اولاجاغی باره‌ده خبردارلیق ائدیبلر.

«ایندیکی حساس مرحله‌ده آذربایجان رسپوبلیکاسینا قارشی ایسته‌نیلن تخریبات عملی رسمی باکی‌نین موقعین‌دن آسیلی اولمایاراق، گونئی آذربایجان‌لیلارا قارشی سایمامازلیق، حرمت‌سیزلیک و محاربه اعلانی کیمی دیرلندیریله بیلر»، - گونئی‌لیلر بیلدیریب.

اونلار ایران-آمریکا-اسرائیل محاربه‌سین‌ده آذربایجان حکومتینین عدالتلی و دوست مؤقع توتماسینا باخمایاراق، تهران رژیمینین ناخچیوانا درون هجومونو اسلام رسپوبلکاسینین انتحار جهدی آدلاندیریبلار:

«تهران رژیمی هله ده رئال‌لیقدان اوزاق اولان سیاستلری ایله بوتون قونشولارا قارشی تجاوزه ال آتماقلا اؤزونو داها دا درینه باتیرماغا چالیشیر. خصوصاً آذربایجان رسپوبلیکاسینا قارشی تخریبات حرکتی اسلام رسپوبلیکاسینین سونونون یاخینلاشماسینا، بو سونون ایسه داها آغریلی اولماسینا سبب اولا بیلر. آذربایجان رسپوبلیکاسینا قارشی ایسته‌نیلن تجاوز آکتینین باش وئرجیی تقدیرده ایرانا قارشی اؤن جبهه خطی تهران‌دا، کرج‌ده، زنجان‌داکی آذربایجان‌لیلار طرفیندن قورولاجاق!»