ایران اؤتنایلکی ۱۲ گونلوک محاربهدن فرقلی اولاراق، داها آغیر و قانلی محاربهنین ایچیندهدیر. اسرائیل یئنی تاکتیکا تطبیق ائدیر، ۲۰۲۵-جی ایلین ایونونداکی چاتیشمازلیقلاردان نتیجه چیخاریب، ساواشا داها یاخشی حاضیرلاشیب.
آمریکا دا ایوندان فرقلی اولاراق، یاخین شرقه داها بؤیوک قوه توپلاییب و ایریمقیاسلی ضربهلر ائندیریر.
بو دفعه محاربه اؤلکهنین عالی دینی لیدری علی خامنهای ده داخل اولماقلا، دولتین «اوستقورومونو» تشکیل ائدن ۴۰-آ یاخین یوکسک چینلی وظیفهلی و گنرال-کوماندانین آرادان گؤتورولمهسی ایله باشلادی. آردینجا ایسه نقطه آتیشی ایله هوا هجوموندان مدافعه سیستملری، هجوم واسطهلری - راکت بوراخیلیش قورغولاری سیرادان چیخاریلیر، بازالار، آیرودروملار، پلیس مرکزلری، «بسیج» یووالاری تک-تک وورولور.
ایران تارانا گئدیر، بو ساواشدا قارشیسیندا اولان یالنیز آمریکا-نین یاخین شرقدهکی حربی موجودلوغو و اسرائیله دئییل، اونلارا گیزلی شکلده یاردیم ائتدیینی دوشوندویو عرب اؤلکهلرینه ده ضربه ائندیریر. عوضینده کؤرفز اؤلکهلرینه حیمایهدارلیق ائدن آوروپا نهنگلرینی ده رگیونا چکیر.
ایران تکلنیب: روسیا میداندا یوخدور، حالبوکی ۲۰۲۲-جی ایلده روسیا اوکراینایا قارشی ساواشا گیرنده ایران «شمال متفیقینین» هر ایستهدیینی وئرمیشدی - «شاهد»لر، درون تخنولوگییاسی، مرمیلر...
روسیا هئچ دیپلماتیادا دا ایرانا یاردیم ائتمیر و یاخود ائدجک دورومدا دئییل: اوکراینایا تجاوز ائدن بیر اؤلکهنین ایرانا هجوم ائدنلری بینالخالق حقوقو پوزماقدا قیناماسی آبسورددور و گولوشله قارشیلانیر، هم ده کرملین آمریکا، آوروپا بیرلیی لیدرلری ایله بونو مذاکره ائتمک حاقینی ایتیریب و بونو اؤزو ده یاخشی بیلیر.
چین ده حربی باخیمدان هر هانسی تشببوس گؤسترمک هوسینده دئییل، «سیاسی دیرنیشی» ده بیرلشمیش ملتلر تشکیلاتی تش سوییهسیندن او طرفه کئچمهیهجک. بیرلشمیش ملتلر تشکیلاتی تهولکهسیزلیک شوراسی ایسه آرتیق داغیلمیش بینالخالق نظامدا هئچ بیر رول اوینامیر.
ایرانین قونشولاری اچریسینده یالنیز ایکی اؤلکه بو پروسسدن جدی ناراحاتلیغینی اورتایا قویوب و بوتون دیپلماتیک امکانلاری، گوجو ایله رگیونداکی اسکالاسییانین قارشیسینی آلماغا چالیشیر: تورکیه و آذربایجان!
تورکیه ناتو اؤلکهسیدیر و هر بیر حالدا ناتو متفیقی اولان آمریکا-نین ماراقلارینی نظره آلمالیدیر، عینی زماندا، حربی عهدلییندن دولایی اراضیسیندهکی آمریکا بازالاریندان استفادنی قاداغان ائده بیلمز. باخمایاراق کی، تورکیهدن ایرانا هئچ بیر هجوم یوخدور و اولا دا بیلمز.
تام نیترال ایسه آذربایجاندیر: اؤلکه اراضیسینده هئچ بیر دولتین حربی بازاسی یوخدور، هئچ بیر اؤلکه آذربایجان سرحدیندن و هوا مکانیندان ایرانا قارشی استفاده ائده بیلمز، ائتمیر ده.
حاضردا آذربایجان خارجی ایشلر ناظیری دایانمادان سیخ ترافیکله کؤرفز اؤلکهلری، آوروپا بیرلیی لیدرلری، او جملهدن رگیونون اساس دولتلری ایله ایران اطرافیندا باش وئرنلری مذاکره ائدیر، مناقشهنین بیر آن تئز دایانماسی اوچون اولدوقجا آکتیو فعالیت گؤستریر.
ایران خارجی ایشلر ناظیرلیی رهبری عراقچینین ۱ مارتدا جیحون بایرامووا بیر زنگی، خواهشی کفایت ائتدی کی، آذربایجان دیپلماتیک امکانلارینی سفربر ائتسین. ج. بایراموون سون ۲-۳ گونده دانیشدیغی خارجی ایشلر ناظیرلرینین سایی ۲۰-یه چاتیب.
ارمنیستان دیپلماتییاسینین هانسیسا آکتیولیینی مشاهده ائدیرسینیزمی؟
سیزجه، ارمنیستان مدافعه ناظیرلییندهکی پنتاگونون مصلحتچیلری، ایرانلا سرحدیندهکی آوروپا بیرلیی «میسیاسی» حاضردا هانسی ایشلرله مشغولدور؟
آمریکا-اسرائیل اردولارینین بیرگه ضربهسی نتیجهسینده عالی دینی لیدر علی خامنهای هلاک اولدو - پاشینیان تفلیسده گئجه بارینا گئدیب، ضرب آلتلرینده اؤز محارتینی گؤستریب، چالیب اویناییر، آذربایجان پرزیدنتی ایلهام علیئو ایسه ایران سفیرلیینه گئدیب، کدرینی بؤلوشدو، باشساغلیغی و خامنهاینین کومانداسینا تسکینلیک وئردی...
- بو، او ایراندیر کی، ۱۹۹۲-جی ایلده واسطهچیلیک آدییلا ایشه قاریشیب، شوشانین اشغالیندا رول اوینادی؛
- بو، او ایراندیر کی، تورکیه و آذربایجان اقتصادی امبارگو تطبیق ائدنده و ارمنیستانی دالانا دیرهیهنده، ارمنیلره اشغالی داوام ائتدیرمهسی اوچون بوتون یاردیملاری ائتدی، بو اشغالچی اؤلکهیه نفس وئردی، آیاقدا توتدو؛
- بو، او ایراندیر کی، دنیا مسلمانلارینین لیدری، حیمایهداری کیمی اؤزونو گؤسترمهیه چالیشیب، فلسطینده «دیرنیش» یارادیب و همین فلسطینده یئتیشدیردیی ارمنی ترورچولاری - آسالا عضولرینی قاراباغا گتیریب، مسلمان-شیعه قارداشلارینی قتله یئتیریردی؛
- بو مسلمان اؤلکهسی، اسلام رسپوبلیکاسی ایران سرحدینده ۱ میلیون مسلمانین قاچقین-کؤچکون دوشمهسینین بایسکاری اولان دولتی «قارداش» دئییب، باغرینا باسدی، مسجدلری یئرلهبیر ائدن، الله ائوینده دونوز ساخلایانلارین آرخاسیندا دوردو.
ایرانین هئچ بیر حربی-سیاسی-دیپلماتیک گوج تطبیق ائتمهسینه احتیاج بئله یوخ ایدی، یالنیز اله کئچیردیی تورپاقلاردان «درحال و قید-شرطسیز چیخماسی» حاقدا بیرلشمیش ملتلر تشکیلاتی تهلوکهسیزلیک شوراسی-نین ۴ قطعنامهسینین طلبینی اجرا ائتمهدیی اوچون ارمنیستانی اشغالچی کیمی تانییب، بینالخالق حقوقا اویغون اولاراق بو اؤلکه ایله سرحدلری باغلاسایدی، هر شی بیتهجکدی - بوتون دنیا ایله قورو علاقهسی کسیلهن ارمنیستانین اشغالی دایاندیرماقدان باشقا یولو اولمایاجاقدی.
ائله محض بونا گؤره ۱۹۹۴-جو ایلده دنیا سیاستینین نهنگی حیدر علیئو ایرانا بؤیوک نماینده هیئتی ایله گئتمیشدی.
نه اولدو؟ - حیدر علیئوه خزر دنیزی «مازانداران گؤلو» کیمی سیریندی؛
نه باش وئردی؟ - خامنهای رسمی گؤروشده فارسجا دانیشارکهن، روسجا ترجمهچی گتیردیلر و حیدر علیئوین سرت تپکیسی آلتیندا ایرانین عالی لیدری «بیز ائله بیلیریک سیزین دیلینیز روسجادیر» کیمی غیر جدی آچیقلامادان اوتانمادی.
گویا آذربایجان خالقینین ملیتینی، دیلینی بیلمیرلرمیش...
حیدر علیئو قاییتدی و... نهلر ائتدیسه، نتیجهسینی ۲۰۲۰-ده گؤردونوز!
ایران ایسه داوام ائدیردی:
- ۲۰۰۰-ده سرحدیمیزی قیریجیلاری ایله واختاشیری پوزوردو؛
- سو سرحدیمیزی بئله ایران حربی گمیسی چیخاریب توللامیشدی...
حتی:
- ۲۰۲۰-جی ایل ساواشیندا سرعتله ایرلیلهیهن اوردوموزون اؤنونه قوهلرینی چیخاریب، هوجومو ۲۴ ساعت گئجیکدیرمکله ائرمهنیلرین توپارلانماسینا شرایط یاراتدی؛
- آذربایجانا قارشی تبلیغات ساواشینا گیریشدی؛
- ارمنیلره روسیادان گؤندریلهن سورساتی گورجوستان بوراخمادیغی حالدا سئوه-سئوه ارمنی قارداشلارینا گؤندردی؛
- ۲۰۲۰-جی ایلدن سونرا خانکندییه یاناجاق داشیدی، حربی تکنیکالار گؤندردی؛
- ۲۰۲۰-جی ایلین دکابریندا - محاربهدن جمعی ۱ آی سونرا ارمنیستانا میلیونلارلا دلارلیق راکتلر، پوا-لار باغیشلادی!
- اؤز متخصصلرینی خانکندییه گؤندریب، پوا-لاردان استفادنی اؤیرتمهیه چالیشدی و سایر...
زنگزور دهلیزینه هئچ بیر حالدا امکان وئرمهدی، ارمنیستانین راضیلاشمادان چکیلمهسینده مستثنی رول اوینادی، ارمنیستان اراضیسینی اؤزونون «قیرمیزی خطی» اعلان ائتدی، زنگزوردان دهلیز کئچمهسینی «سرحدین دییشمهسی» کیمی قیمتلندیریب، تام بئش ایل بونا قارشی مجادله ائتدی، ۲۰۲۱-ده ایسه اردوسونو - یوزمینلرله عسگرینی - کی تام یاریسی جانی-قانیبیر قارداشلاریمدیر - گتیریب، دوز آرازین ساحلینده گونلرله داوام ائدن تعلیم کئچیردی، فاکتیکی اولاراق آذربایجانی محاربه ایله هدهلهدی؛ بو تعلیملرده آراز چاییندان نئجه سرعتله کئچمهیی ده «مشق» ائتدیردی...
تام بیر گؤزداغی، هده، میدانسولاما - ایران زنگزور دهلیزینه قارشی آذربایجانلا محاربهیه گیرجیینی دنیایا گؤستردی.
ایندی وورولان، آمریکا و اسرائیلین ضربهلری آلتیندا قالان همهن ایراندیر - آذربایجانلی ساکنلرینی، ایرانی دولت کیمی مین ایلدیر آیاقدا ساخلایانلاری سایمایان، اونلارا عادی حقوقلارینی وئرمهیهن، آنا دیلینده اوخومالارینی یاساقلایان، آنجاق ۲۰۰ مین ارمنییه مکتب آچان ایران...
اونیللردیر مستقل آذربایجانین گوجلهنمهسینه امکان وئرمهیهن، آذربایجانی دشمن گؤزونده گؤرن، بورا «حسینیونلاری» اخراج ائدن، بوردا رادیکالیزمی یایان-یارادان ایران...
ایندی بو ایران وورولور، عالی دینی لیدری اؤلور - یئنه آغرینان، ناراحات اولان یگانه قونشوسو آذربایجان رسپوبلیکاسیدیر!
اگر ایران آذربایجانا آدکوات داورانسایدی، ۱۹۹۲-جی ایلده «افسانوی گنرالی»، خارجده ایرانین ماراقلارینی حربی باخیمدان مدافعه ائدن قاسیم سلیمانینی ترورچو مونته ملکونیانلا گؤروش اوچون قاراباغا گؤندرمهسیدی و بوردا ترورچولارین فعالیتینه دستک وئرمهسیدی، بو گون آذربایجان رسپوبلیکاسی نهلر ائتمزدی ایران اوچون!!!
اگر ایران عمومیتله عرب-مسلمان اؤلکهلرینه آدکوات داورانسایدی، اوستو ده، آلتی دا قیزیل اولان اؤلکهسینین تریلیونلارینی عرب اؤلکهلرینین ایچیندهکی «شیعه ایدئولوگییاسینا» سپهلهییب، دشمن دییرمانینا سو تؤکمهسیدی، ایندی آمریکا و اسرائیل او اؤلکهلرین هوا مکانیندان ایرانا هجوم ائده بیلردیمی؟..
ایران وورولور، اؤلن یئنه مسلماندیر، قتله یئتیریلهنلر آراسیندا البته کی، جان-قان قارداشلاریمیز دا وار - سپاه-این ۴۰%-ی، اردونون ۵۰%-ی آذربایجانلیدیرسا، نئجه اولمالیدیر کی؟
وورولان شرقی آذربایجاندیر، غربی آذربایجاندیر، تبریزدیر، اردبیلدیر، اورمیادیر...
هر ضربه هر بیر آذربایجانلی اوچون فاجعهدیر، کدردیر، قمدیر، حزندور.
اورییمیز یانیر!
بو کدرین ایچینده بیر آی اول اؤلدورولهن ۳۰ میندن چوخ انسانین یوز مینلر، بلکه ده میلیونلارلا دوغماسینین سئوینجی ده وار آخی!
بو دردین ایچینده اونایللردیر حاقی یئییلهنلرین، حقوقو الیندن آلینانلارین، حاقسیز-عدالتسیز یئره دار آغاجینا چیخاریلانلارین دوغمالارینین، حاقینی ایستهدیی اوچون حبس ائدیلیب زورلانان یئنییئتمه قیزلارین، اؤمرو اوغورلانان گنجلرین، اؤلکهدن قاچماغا و غربتده ذلت-حسرت ایچینده قوورولماغا مجبور اولانلارین فرحی ده وار آخی!
دهشتلی منظرهدیر: بیر اؤلکه وورولور، اونون باشینا داش یاغان وطنداشلارینین آز قالا یاریسی سئوینیر...
بیر مسلمان اؤلکهسی وورولور، اونون مسلمان قونشولاری فرحلهنیر...
بئله اولمامالیدیر، بئله اولمامالییدی، هئچ بیر حالدا ایران بو دوروما گلیب چاتمامالییدی، بو گونه دوشمهملیدی...
قید: مقاله ایرانین ناخچیوانا درون هجوموندان اول یازیلیب.
.jpg)
.jpg)
