ناظیرلر کابینتی آذربایجان-ایران دولت سرحدیندن یوک آوتوموبیللرینین حرکتینین دایاندیریلماسی ایله باغلی قبول ائدیله‌ن قرارا دایر معلومات یاییب.

بو باره‌ده Axar.az-آ ناظیرلر کابینتیندن معلومات وئریلیب.

«معلومات وئریلدیی کیمی، ۵ مارت تاریخینده آذربایجان رسپوبلیکاسینین ناخچیوان مختار رسپوبلیکاسینا ایران اسلام رسپوبلیکاسینین اراضی‌سیندن ملکی اینفراستروکتور هدف آلینماقلا پیلوتسوز اوچوش آپاراتلاری ایله هجوملار حیاتا کئچیریلیب.

ناخچیوان مختار رسپوبلیکاسینین بین‌الخالق هوا لیمانی، مکتب و دیگر استقامتلر ایران طرفیندن آتشه معروض قالیب. هجوملار نتیجه‌سینده بیر نئچه ملکی شخص خسارت آلیب، هوا لیمانینین ترمینال بناسینا زیان دییب.

بین‌الخالق حقوقون نورما و پرینسیپلرینه ضد اولان بو هجوملار نتیجه‌سینده یارانمیش موجود وضعیت نظره آلیناراق، آذربایجان-ایران دولت سرحدینده بوتون سرحد-کئچید منطقه‌لریندن یوک آوتوموبیللرینین حرکتینین (او جمله‌دن ترانزیت مقصدیله یوک آوتوموبیللرینین حرکتینین) موقتی اولاراق تام دایاندیریلماسی باره‌ده ناظیرلر کابینتی طرفیندن موافق قرار قبول ائدیلیب»، - معلومات‌دا قید اولونوب.