ارمنستانین مدافعه ناظری سورئن پاپیکیان آذربایجان اوردوسونون ارمنستانین اراضی‌سینده یئنی حربی مؤقعلر (پستلار) قورماسی باره‌ده یاییلان ادعالاری رد ائدیب.

Axar.az خبر وئریر کی، ناظر بو باره‌ده پارلامئنت‌ده ژورنالیستلر اوچون کئچیردیی بریفینگ زامانی بیلدیریب.

ژورنالیستلرین آذربایجانین ۲۰۲۱-جی ایلده‌ن بری ارمنستان اراضی‌سینده حربی نظارت نقطه‌لری و استحکاملار قوروب-قورماماسی ایله باغلی سئوالینا ناظر قطعیتله جواب وئریب:

"من بونو تکرار-تکرار تکزیب ائدیره‌م. ارمنستان اراضی‌سینده آذربایجان طرفیندن هئچ بیر حربی مؤقع (پست) قورولماییب. ارمنستان مدافعه ناظرلییی بو باره‌ده آرتیق رسمی بیانات یاییب. بیر داها تکرارلاییرام کی، اؤلکه اراضی‌سینده هر هانسی یئنی دؤیوش موقعیی یارادیلماییب".