آذربایجان ایله تورکیه آراسیندا حربی امکداشلیق چرچیوه‌سینده اؤلکه‌میزده "توراز قارتالی - ۲۰۲۶" بیرگه تاکتیکی-اوچوش تعلیمی باشلاییب.

بو باره‌ده Axar.az-آ مدافعه ناظیرلییندن معلومات وئریلیب.

بیلدیریلیب کی، اولجه بریفینگ زالیندا آذربایجان خالقینین عموم‌ملی لیدری حیدر علیئو و وطن اوغروندا جانلاریندان کئچه‌ن شهیدلریمیزین خاطره‌سی درین احتراملا یاد ائدیلیب. داها سونرا آذربایجان و تورکیه رسپوبلیکالارینین دولت هیمنلری سسلندیریلیب.

تعلیم اوچون حاضیرلانمیش ویدئوچارخ اشتراکچیلارا نمایش ائتدیریلیب.

داها سونرا انضباطی معلوماتلاندیرما، اجرا اولوناجاق تعلیم تاپشیریقلاری حاقیندا بریفینگ تقدیم اولونوب.

قید ائدک کی، تعلیم ایکی اؤلکه‌نین مشترک هوا عملیاتلارینین پلانلاشدیریلماسی و اجراسی اوزره قارشی‌لیقلی تجربه مبادله‌سینین آپاریلماسی، شخصی هیئتین پئشه‌کارلیغینین آرتیریلماسی و کوردیناسییانین گوجلندیریلمه‌سی مقصدیله کئچیریلیر.