حیدر علیئو فوندونون و مدنیت ناظیرلیینین تشکیلاتچی‌لیغی ایله مایین ۱۴-ده شوشادا «خاری‌بولبول» ۹-جو بین‌الخالق موسیقی فستیوالی باشلاییب.

Axar.az خبر وئریر کی، تدبیرده آذربایجان رسپوبلیکاسی پرزیدنتینین کمکچی‌سی، حیدر علیئو فوندونون اجراچی دیرکتورو آنار علکبروو، تانینمیش مدنیت خادملری و اجتماعیت نماینده‌لری اشتراک ائدیبلر.

«خاری‌بولبول» بو ایل ده شوشانی موسیقی و رنگارنگ مدنیتلرین عنوانینا چئویریب. فستیوالدا تکجه یئرلی اینجه‌صنعت نماینده‌لری دئییل، هم ده بیر سیرا خارجی اؤلکه‌لردن گلن موسیقی کلکتیولری و سولو ایفاچیلار بیر آرایا گلیب. بئله کی، آمریکا، قازاخیستان، اؤزبکیستان، تورکمنیستان، تورکیه، یاپونیادان اینجه‌صنعت خادملری «خاری‌بولبول»ا دعوت اولونوب.

بو بین‌الخالق تدبیرین اساس مقصدی مدنیتلرآراسی علاقه‌لری گوجله‌ندیرمک، صنعتکارلار آراسین‌دا یارادیجیلیق مبادله‌سینه شرایط یاراتماق و گنج موسیقی‌چیلرین انکشافینا دستک وئرمکدیر.

«خاری‌بولبول»اون آچیلیش کنسرتینده خالق آرتیستلری پولاد بولبولوغلو، تونزاله آغایئوا، یوسف ایوازوو، امکدار آرتیستلر آذر زاده، ائلناره ممدووا، ائلوین هوجا قنیئو، طیار بایراموو، امکدار مدنیت ایشچیلری آشیق صامره و آشیق علی، بین‌الخالق مسابقه‌لر لاورئاتی جمال علیئو، ایفاچیلار هابیل ممدوو و طلبه‌لری، سانکت-پتربورگ دولت آکادمیک ماریا تئاترینین سولیستی حمید عبدولوو، ائلجه ده اسماعیل زینالوو، کیوشی اوهیرا (یاپونیا)، دوسلدورفدا فعالیت گوسترن «رینده آلمان اپراسی» تئاترینین سولیستی مارا حسینووا، همچنین موشفیق قولیئو، ریاد ممدوو، اوغور ایشیلاک (تورکیه)، آذربایجان دولت رقص آنسامبلی، فکرت امیروو آدینا آذربایجان دولت ماهنی و رقص آنسامبلی، اوزیر حاجیبیلی آدینا آذربایجان

دولت سیمفونیک ارکستری، آذربایجان دولت خور کاپللاسی، باکی خورئوگرافیا آکادمیاسینین طلبه‌لری، قازاخیستانین «توران» ائتنو-فولک آنسامبلی، اؤزبکیستانین «شودلیک» رقص آنسامبلی، تورکمنیستانین «قالکینیش» رقص آنسامبلی چیخیش ائدیبلر.

فستیوالین آچیلیش کنسرتی «قاراباغ یاللی‌سی» ایله باشا چاتیب.