آذربایجان پرزیدنتینین کمکچی‌سی، پرزیدنت آدمینیستراسییاسینین خارجی سیاست مسئله‌لری شعبه‌سینین مدیری حکمت حاجییئو ناتونون قافقاز و مرکزی آسیا اوزره خصوصی نماینده‌سی کئوین هامیلتونلا گؤروشوب.

Axar.az خبر وئریر کی، حاجییئو بو باره‌ده اکس سوسیال شبکه حسابین‌دا یازیب.

"آذربایجان ناتونون اعتبارلی طرفداشیدیر و بیز امکداشلیغین مختلف ساحه‌لرینده اهمیتلی نتیجه‌لر الده ائتمیشیک"، - او بیلدیریب و علاوه ائدیب کی، گؤروشده آذربایجان و ناتو آراسیندا قارشی‌لیقلی اویغونلوغون آرتیریلماسی استقامتینده الده ائدیلمیش ایرلیلییش قید اولونوب:

"بیز همچنین آذربایجان–ناتو طرفداشلیغینین مختلف آسپکتلری اوزره مضمونلو مذاکره‌لر آپاردیق و قارشی‌لیقلی ماراق دوغوران مسئله‌لر اطرافیندا فکر مبادله‌سی ائتدیک".