رومانی ایله مولدووانین بیرلشمه‌سی مسئله‌سی اوزون ایللردیر مذاکره اولونور و بونون تاریخی کؤکلری، اساسی وار.

بو سؤزلری Axar.az-آ آچیقلاماسیندا پولیتولوگ تراب رضایئو رومانی ملت‌وکیللر پالاتاسینین اؤلکه‌نین مولدووا رسپوبلیکاسی ایله بیرلشمه‌سینی نظرده توتان و حکومته کیشیناولا دانیشیقلارا باشلاماق صلاحیتی وئره‌ن قانون لایحه‌سینی تصدیقله‌مه‌سی حاق‌دا دانیشارکن دئییب.

پولیتولوگون سؤزلرینه گؤره، حاضردا مولدووادا بو مسئله‌یه مناسبت بیرمعنالی دئییل:

«جمعیت ایکی حصه‌یه بؤلونوب. بیر گروپ رومینلارلا عینی خالق اولدوقلارینی و بیرلشمه‌نین طبیعی پروسس اولدوغونو دوشونور. دیگر گروپ ایسه مولدووا دولتچیلیینین و ملی کیملیینین قورونماسینین واجیب ساییر. مولدووا پرزیدنتی مایا ساندو و حاکمیته یاخین قوه‌لر رومینیه ایله مناسبتلرین انکشافینی دستکله‌ییرلر. رومانی‌ده دا بو استقامت‌ده معین تشببوسلر ایر‌لی سورولور.

لاکین پروسسین قارشی‌سیندا جدی مانعه‌لر موجوددور. ایلک نوبه‌ده، مولدووانین گاگاوز ائلی ایله باغلی داخلی پروبلملری نظره آلینمالیدیر. بئله بیر شرایط‌ده بیرلشمه رگیون‌دا یئنی گئوسییاسی گرگینلیکلر یارادا بیلر. بوندان علاوه، روسیه‌نین بو پروسسه اعتراض ائدجه‌یی و تأثیر امکانلاریندان استفاده ائتمه‌یه چالیشاجاغی گؤزله‌نیلیر.

نتیجه اعتباریله، رومانی-مولدووا بیرلشمه‌سینین باش توتماسی هم رومانی پارلامنتینین قراریندان، هم ده مولدووا جمعیتینین بونا نه درجه‌ده حاضر اولماسیندان آسیلی‌دیر. عینی زمان‌دا، آوروپا بیرلیینین موقعی ده پروسسین گلجیینه جدی تأثیر گؤستره‌جک».