آمریکاkین ایرانا قارشی حربی هجومونون اوچونجو مرحله‌سی باشلایاندان سونرا ایران اوردوسو تخمیناً ۳۰۰۰ صابرین خصوصی تعینات‌لی قوه‌سینی، قورو قوشونلاری و باشقا حربی قوه‌لرینین بؤلمه‌لرینی، ائلجه ده آغیر حربی تکنیکانی کردستان و غربی آذربایجان ایالتینین عراقلا سرحد بؤلگه‌لرینه یئرلشدیریب و بو دا بؤلگه‌ده‌کی حربی موجودلوغونو اهمیتلی درجه‌ده آرتیریب.

Axar.az خبر وئریر کی، بو حاق‌دا خارج‌ده فعالیت گؤستره‌ن بعضی فارس دیل‌لی مئدیا اورقانلاری یئرلی منبع‌لره استناداً معلومات یاییب.

معلوماتلارا گؤره، قوه‌لر اساساً غربی آذربایجان ایالتینین سردشت، پیرانشهر (خانا) و کردستان ایالتینین بانه و مریوان شهرلرینده یئرلشدیریلیب.

منبع‌لر، همچینین تانکلار، آرتیلرییا قورغولاری، کاتیوشا راکت آتیجیلاری و چوخ سایدا کشفیات و کامیکادزه درونلاری دا داخل اولماقلا آغیر حربی تکنیکانین بو اراضیلره کؤچورولدویونو بیلدیریبلر.

اونلارین ادعاسینا گؤره، سرحد بؤلگه‌لرینده یئرلشن اوردو قوه‌لری آمریکانین ممکن هوا هجوملاری ایله باغلی ناراحات‌لیقلار سببیندن گئجه حربی بازالاردا اولماق‌دان چکینیر، نقلیات واسطه‌لرینده و یا سرحد کندلرینین یاخینلیغیندا گئجلییر و گوندوز ساعتلاریندا بازالارینا قاییدیرلار.

عینی زمان‌دا، یئرلی منبع‌لر سرحد بؤلگه‌لرین‌ده تهلوکه‌سیزلیک تدبیرلرینین و محدودیتلرین گوجلندیریلدیینی بیلدیریرلر. اونلارین سؤزلرینه گؤره، سرحد بؤلگه‌لرینده تهلوکه‌سیزلیک نظارتی آرتیریلیب، وطنداشلار و سرحد کندلرینین ساکینلرینه حرکت محدودیتلری تطبیق اولونوب.

قید ائدک کی، اؤتن ایل ۱۲ گونلوک محاربه‌نین باشلانغیجیندان بری ایران اوردوسو و سپاهین ایران کرد پارتیالارینین قرارگاهلارینا، دوشرگه‌لرینه و بازالارینا، ائلجه ده عراق کردستان بؤلگه‌سین‌ده‌کی بو پارتیالارین عضولرینین عائله‌لرینین یاشاییش یئرلرینه ۷۵۰-دن چوخ راکت و زنیت هجومو حیاتا کئچیریب.