ارمنستان‌دا ایتکین دوشموش حربچیلرین یاخینلاری آذربایجانا بیرباشا تماس قورماق تشببوسو ایله چیخیش ائد‌رک، هکری چایینا آغ بایراقلا گلمه‌یه حاضر اولدوقلارینی آچیقلاییبلار.

Axar.az خبر وئریر کی، بو باره‌ده ارمنی مطبوعاتی معلومات یاییب.

ارمنستان‌دا ایتکین دوشموش حربچیلرین یاخینلاری بو گون یئنی‌دن حکومت بیناسینین قارشی‌سینا توپلاشیبلار و حاکمیته یاخینلارینین تالعی ایله باغلی کونکرت معلومات تقدیم ائتمه‌سی اوچون بیر هفته واخت وئردیکلرینی بیلدیریبلر.

ایتکین دوشموش حربچینین عمی‌سی آرسن گوکاسیان بیلدیریب کی، ۱۹۹۰-جی ایللردن اعتباراً آذربایجان‌لیلارین دفن یئرلری باره‌ده معلوماتا مالیک شخصلر اونلارین تشببوس گروپو ایله علاقه ساخلایاراق واحد معلومات بازاسینین یارادیلماسینا کمک ائده بیلرلر.

اونون سؤزلرینه گؤره، اونلار دانیشیقلار آپارماق اوچون آغ بایراقلا هکری چایینا گلمه‌یه و عینی ایستاتوسا مالیک آذربایجان‌لیلارلا علاقه یاراتماغا حاضردیرلار.

"بیز ایتکین دوشموش یاخینلاریمیز باره‌ده معلومات الده ائتمک اوچون بیر-بیریمیزه کمک ائتمک ایستییریک. آرتیق نه حکومته، نه آوروپایا، نه آمریکایا، نه ده روسیایا امید ائدیریک. بوتون امیدیمیز اؤزوموزه‌دیر. ممکن اولان بوتون واسطه‌لردن استفاده ائتملیییک"، - دئیه گوکاسیان بیلدیریب.