ایران فوتبول تاریخینین اولدوزلاری اولان اردبیللی علی دایی و کریم باقیرییه قارشی کامپانیا باشلادیلیب.

Axar.az خبر وئریر کی، بو حاقدا سوسیال شبکه و بعضی مدیا ارگانلاریندا معلوماتلار پایلاشیلیب.

خصوصاً سرت خط طرفداری اولان سیاسی جریانلارا باغلی سوسیال مدیا کاناللاری آدی چکیله‌ن آذربایجانلی ایدمانچیلاری "وطن خائنی" آدلاندیریرلار.

اونلارین ادعاسینا گؤره، علی دایی و کریم باقری محاربه ایله باغلی مؤقع بیلدیرمدیکرینه گؤره دشمن قوه‌لرین طرفینی ساخلانیش اولورلار.

همین سوسیال مدیا کاناللاریندا "حمام بؤجه‌یی" آدلاندیریلان آذربایجانلی اولدوزلارین محاربه‌ده اؤلنلر باره‌سینده شهید ایفاده‌سی ایشلتمه‌مه‌لرینی ده مذاکره‌یه چیخاریب و بونون مقصدلی اولدوغونو ادعا ائدیبلر.

پایلاشیملاردا دایی و باقیرینین جزالاندیریلمالاری طلب اولونوب.

قید ائدک کی، اردبیللی علی دایی افسانوی فوتبولچو، مشقچی و ایش آدامیدیر. او، اوزون مدت ایران ملی ییغماسیندا ان چوخ گل ووران فوتبولچو کیمی دنیا رکوردونو قیریب.

کریم باقری ایسه ایران ملی کوماندانین یاریم‌مدافعه‌چی‌سی و مشقچی اولوب. بوندان اول تبریزین "تراکتور" کومانداسیندا دا چیخیش ائد‌ن باقری حاضردا تهرانین "پرسپولیس" کومانداسینین مشقچی‌سی‌دیر.

هر ایکی شخص هم ده حکومته قارشی تنقیدی مؤقعلری، اعتراضچیلارا قارشی رپرسیالارا اعتراضلاری ایله تانینیبلار.