باکی‌دا بئله بیر گؤروشون کئچیریلمه‌سی باره‌ده « تایمز» قزئتیندن اؤیرندیک، بیزیم بو باره‌ده خبریمیز یوخ ایدی. طبیعی کی، بئله معتبر مطبو ارگانیندا چیخان مقاله‌یه دقتله یاناشاراق، آراشدیرما آپارمیشیق.

Axar.az خبر وئریر کی، بونو پرزیدنت ایلهام علیئو آلمانیا کانسلری فریدریخ مرتسله بیرگه مطبوعات کنفرانسین‌دا باکیدا آلمانیا و روسیا نماینده‌لری آراسیندا گؤروشون کئچیریلمه‌سی باره‌ده سوالا جوابیندا دئییب.

دولت باشچی‌سی بیلدیریب کی، دونه‌ن برلینه گلمزدن اؤنجه آذربایجان دولت سرحد خدمتیندن معلومات ایسته‌ییب:

«تایمز» قزئتینده آدلاری کئچه‌ن شخصلرین عینی واختدا آذربایجاندا اولدوقلاری تصدیقله‌ندی. ایولون ۱۲-ده برلین-باکی رییسی ایله ایکی تانینمیش شخص – بیری خانیم مرکلین آدمینیستراسیاسینین رهبری جناب پوفاللا و جناب پلاتزک باکییا گلیب و ایولون ۱۴-ده گئری قاییدیبلار. عینی زمان‌دا ایولون ۱۲-ده روسیانین کئچمیش باش ناظیری جناب زوبکوو و روسیا پرزیدنتی یانیندا وطنداش جمعیتی و انسان حقوقلاری شوراسینین رهبری جناب فادیئو مسکوادان باکییا گلیب، بیری ایولون ۱۳-ده، او بیری ایسه ایولون ۱۴-ده باکیدان آیریلیب. بیزه بو باره‌ده آلمانیا و روسیا طرفیندن خبر وئریلمه‌ییب. یعنی بیزیم اراضیمیز بیزدن خبرسیز اولاراق، ساده‌جه، استفاده اولونوب. بئله بیر گؤروشون اولوب-اولماماسی ایله باغلی دا من کونکرت بیر شی دئیه بیلمرم، چونکی بیز بونو گؤرمه‌میشیک. اما دئدییم اوچوش ایستاتیستیکاسی دئمه‌یه اساس وئریر کی، بئله گیزلی گؤروش باکیدا کئچیریلیب. اگر بو گؤروش روسیا-اوکراینا محاربه‌سینین سونونا گتیرجکسه، البته کی، بیز بونو آلقیشلاییریق».

پرزیدنت ایلهام علیئو بیر داها وورغولاییب کی، ایسته‌نیله‌ن حالدا محاربه درحال دایاندیریلمالیدیر:

«بیزیم مقصدیمیز بوندان عبارتدیر کی، محاربه دایانسین و بؤلگه‌ده صلح تامین ائدیلسین».