آذربایجان پرزیدنتی ایلهام علیئوین آلمانیایا سفرینه روسیا مدیاسیندا اینانیلمایاجاق سوییه‌ده غریبه، اؤز آدی ایله دئسک، غیر سیاسی، غیر دیپلماتیک و پریمیتیو رئاکسیا وئریلیب.

Axar.az خبر وئریر کی، کرملینه باغلی اولان و کرملیندن گلن سیاسی دیرکتیولرله فعالیت گوسترن «Lenta.ru» پورتالی دولت دوماسینین حاکم واحد روسیا پارتییاسیندان اولان ملت وکیلی آلکساندر تولماچئوین فکرلرینی ایشیقلاندیریب.

گنج ملت وکیلی تولماچئو ایسه اؤز دوشونجه‌سینه اویغون داورانیب، آذربایجانین «ارمنستانین یولونو توتماق نیتینده اولدوغونو» اویدوروب:

«باکی ایروانین یولونو توتماق نیتینده‌دیر. قید ائتمک ایستردیم کی، روسیادان اوزاقلاشماق و آوروپایا یاخینلاشماق هئچ واخت هئچ کیمه اوغور گتیرمه‌ییب. عکسینه، تجربه‌نین گؤستردیی کیمی، بئله بیر قرار اقتصادی و سیاسی پروبلملره سبب اولور. ارمنستان آرتیق روسیا ایله اعتبارلی، گوجلو و پرسپکتیولی علاقه‌لرین کسیلمه‌سیندن یارانان چتینلیکلرله اوزلشیر».

غریبه‌دیر کی، واحد روسیانین ۳۳ یاشلی دپوتاتلیق وئریله‌ن گنجی بونونلا کفایتله‌نمه‌ییب، آذربایجانی هده‌له‌مه‌یه داوام ائدیب، «تأسف کی، آذربایجان اوکراینا و ارمنستانین سهولریندن درس چیخارمیر» سؤزلری ایله نرمال سیاستچییه اوتانج گتیرن آچیقلامالارینا داوام ائدیب:

«آوروپا اؤلکه‌لری ایله طرفداشلیق پیس بیر شی دئییل، لاکن پروبلم اوندادیر کی، "یئنی دوستلار" روسیا ایله علاقه‌لری کسمه‌یی اساس شرط کیمی قبول ائدیرلر. و بو، تکجه اقتصادی آسپکتله دئییل، هم ده مدنی، معنوی و تاریخی آسپکتله باغلیدیر. اؤلکه اورتاق کئچمیشیندن و روسیا ایله محصولدار گله‌جکدن امتنا ائتمه‌یه مجبور ائدیلیر. بونون مقابلینده اونلار قیسا مدته "آوروپا آغاسی"ندان لطف و باشلارینا سیغال آلیرلار. و سونرا اصل اویون باشلاییر: قونشو اؤلکه‌نی مسکوا ایله امکداشلیقدان محروم ائد‌رک، اونو مدافعه‌سیز و دستکسیز قویان آوروپالیلار اونو شاهمات فیقورو کیمی یئییرلر».

بو گنجین، دئیه‌سه‌ن، عمومیتله، شاهمات حاقدا تصورو یوخدور و سیاستده شاهمات ترمینلریندن استفاده آنلاییشینا دا مالک دئییل. مسئله اوندادیر کی، نرمال، سوییه‌لی، ان آزی، ۲ کتاب ورقلمیش سیاستچی شاهماتلا مقایسه‌ده هانسیسا فیقورو «قوربان وئریرلر» ایفاده‌سینی ایشله‌دیر. آنجاق کرملینین ایر‌لی وئردیی و «Lenta.ru»نون فکرینه استناد ائتدیی بو گنج شاهمات فیقورونون یئمه‌لی اولدوغو دوشونجه‌سینه مالکدیر و بئله گؤرونور کی، اونون بئینینده آنجاق یئمکدیر.

تولماچئو اولا بیلسین کی، آذربایجان مستقل سیاست یوروتدویونو، هئچ بیر اؤلکه‌دن ایانه آلمادیغینی، عکسینه، یاردیم‌ائدن اولدوغونو تصور ائتمیر، ذاتاً «شاهمات فیقورو یئیه‌ن» بئییندن فرقلی نسه گؤزله‌مک ممکون دئییل. آنجاق «Lenta.ru» و کوراتورلاری ان آزی بیلیرلر کی:

۱. آذربایجان اؤز دولت ماراقلارینا اویغون سیاست یئریدیر و «باشینا سیغال چکیله‌ن» یوخ، «باشا سیغال چکمه‌یی» و یئری گلنده کیملره‌سه یال آتماغی باجاران اؤلکه‌دیر؛

۲. آذربایجانین خارجی ایشلر ناظیری جیحون بایراموو ائله دونه‌ن مسکوادا ایدی و یوکسکسوییه‌لی گؤروشلر کئچیردی؛

۳. پرزیدنت ایلهام علیئو آلمانیا و روسیا نماینده‌لرینین باکیدا گیزلی گؤروش کئچیردیینی برلینده ایفاده ائتمکله آذربایجانین نیتراللیغینا/طرفسیزلیینه و هم ده تهلوکه‌سیز اؤلکه اولماسینا مخصوصی بیر دقت چکدی. آذربایجان ائله بیر تهلوکه‌سیز، راحت اؤلکه‌دیر کی، روسیا و آلمانیا نماینده‌لری رهبرلییه خبر ائتمه‌دن، تهلوکه‌سیزلیک تدبیرلرینین گؤرولمه‌سینی ایسته‌مه‌دن آرخایین شکلده باکییا گلیب، بوردا گؤروشه و دانیشیقلار آپارا بیلیرلر. ایلهام علیئو ایسه صلح یاراداجاغی تقدیرده بو دانیشیقلاری آلقیشلاماغا حاضر اولدوغونو بیلدیریر.

آذربایجانین بو دوروست، صمیمی، آچیق، مستقل سیاستی قارشیسینا تولماچئوی چیخاران کرملینده، دئیه‌سه‌ن، دوغرودان «پانیک-آتاک» دوشونجه‌سی حاکمدیر.