ایولون ۲۱-ده آذربایجان پرزیدنتی ایلهام علیئوین برلینده آلمانیانین فدرال کانسلری فریدریخ مرتس ایله گئنیش ترکیبده گؤروشو اولوب.

Axar.az خبر وئریر کی، گؤروشده آذربایجان ایله آلمانیا آراسیندا استراتژی گونده‌لییه دایر امضالانمیش سندین اهمیتی وورغولاندی. همچنین سنددن ایر‌لی گله‌رک ایکی اؤلکه آراسیندا مختلف ساحه‌لرده امکداشلیغین انکشاف ائتدیریلمه‌سی اوچون ایشچی گروپلارین یارادیلماسی و بو استقامتده سیستملی ایشین آپاریلماسینین واجبلیی قید ائدیلدی.

صحبت زمانی آذربایجانین آوروپانین انرژی تهلوکه‌سیزلیینده اوینادیغی رول قید اولوندو، همچنین اورتا دهلیزین اهمیتی وورغولاندی. عینی زمان‌دا، ایکی اؤلکه آراسیندا علاقه‌لرین انکشافیندا قارشی‌لیقلی سفرلرین اهمیتینه توخونولدو و رگیونال مسئله‌لر اطرافیندا فکر مبادله‌سی آپاریلدی.

فدرال کانسلر فریدریخ مرتس آذربایجانلا ارمنستان آراسیندا صلح گونده‌لیی استقامتینده الده اولونموش نائلیتلر مناسبتیله دولتیمیزین باشچی‌سینا تبریکلرینی چاتدیردی. او، آلمانیانین رگیوندا صلحون گوجلندیریلمه‌سی اوچون سعیلرینی اسیرگمیجه‌یینی و هر زمان بونا دستک وئرمه‌یه حاضر اولدوغونو بیلدیردی.