روسیا خاریجی ایشلر ناظرلیینین مطبوعات کاتیبی مارییا زاخارووانین نوبتی دفعه کئچمیش ارمنستان-آذربایجان مناقشه‌سی ایله باغلی سسلندیردیی فکرلر رئاللیغین تحریف اولونماسیدیر.

Axar.az خبر وئریر کی، بونو آذربایجان خارجی ایشلر ناظرلیینین مطبوعات کاتیبی آیخان حاجی‌زاده ماریا زاخارووانین فکرلرینی شرح ائدرکه‌ن دئییب.

اونون سؤزلرینه گؤره، قاراباغ بؤلگه‌سی بین‌الخالق اجتمایت، او جمله‌دن روسیا طرفین‌دن هر زمان آذربایجانین آیریلماز ترکیب حصه‌سی کیمی تانینیب:

"بو سبب‌دن کالکتیو تهلوکه‌سیزلیک مقاوله‌سی تشکیلاتی (ک.ت.م.ت) مکانیزملرینین ۳۰ ایل عرضین‌ده ارمنستانین اشغالی آلتین‌دا ساخلانمیش آذربایجانین سوورن اراضیلرینه مناسبت‌ده تطبیق ائدیلمه‌سی مسئله‌سینی داواملی شکیل‌ده گونده‌مده ساخلاماق جه‌دی و بونون قاراباغ بؤلگه‌سینین ارمنستان طرفین‌دن تانینیب-تانینماماسی ایله علاقه‌لندیریلمه‌سی روسیا طرفینین آذربایجانین قاراباغ بؤلگه‌سی ایله باغلی رسمی موقعینه ضد اولماقلا یاناشی، تمامیله اساس‌سیزدیر".

خارجی ایشلر ناظرلییی سؤزچوسو علاوه ائدیب کی، آذربایجان اؤز اراضی بوتؤولویونو و سوورنلیینی بین‌الخالق حقوقون طلبلرینه اویغون اولاراق برپا ائدیب و بونونلا کئچمیش مناقشه حل اولونوب:

"بو چرچیوه‌ده، روسیا-ارمنستان مناسبتلرینه عاید موضوع‌لارین آذربایجانلا علاقه‌لی شکیلده شرح ائدیلمه‌سی تجروبه‌سینه سون قویولمالیدیر".
قید ائدک کی، ایولون ۲۷-ده روسیا خارجی ایشلر ناظرلیینین مطبوعات کاتیبی مارییا زاخارووا "قواردیسک" گنجلر فوروموندا چیخیشی زمانی بیلدیریب کی، "ارمنستان کالکتیو تهلوکه‌سیزلیک مقاوله‌سی تشکیلاتی (ک.ت.م.ت) مکانیزمین‌دن استفاده ائدیلمه‌سینه چاغیریش ائتسه ده، بونون کیمین و نیه مناسبت‌ده تطبیق اولونماسی سوال ایدی. تأسف کی، خوشبخت‌لیکدن "داغلیق قاراباغ"ین ارمنستان طرفیندن نه اؤزونونکو، نه ده مستقل اراضی کیمی تانینمادیغی معلومدور. بئله بیر شرایط‌ده ک.ت.م.ت-نین کالکتیو تهلوکه‌سیزلیک مکانیزمیندن استفاده اولونماسی ممکن دئییلدی".