اسرائیلین باش ناظیری بنیامین نتانیاهو آغ ائوده کئچیریله‌ن گؤروشده آمریکا پرزیدنتی دونالد ترامپا ایرانلا باغلی کونکرت بیر استراتگیا تکلیف ائتمه‌ییب.

Axar.az خبر وئریر کی، بو باره‌ده «تایمز آف اسرائیل» اسرائیلین یوکسک وظیفه‌لی مأمورونا استناد معلومات یاییب.

اونون سؤزلرینه گؤره، اووال اوفیسده‌کی دانیشیقلار داها چوخ ایران اطرافینداکی وضعیتین انکشافی اوچون اوچ ممکون سناری اوزره «فکر مبادله‌سی»نه چئوریلیب:

«بیرینجی سئچیم تهرانلا دیپلماتیک راضیلیغا گلمکدیر.

ایکینجی‌سی، راضیلاشما اولمادیغی تقدیرده غیر معینلیی قوروماق: حربی عملیاتلارا قاییتمادان اقتصادی سانکسیالار واسطه‌سیله آمریکا تضییقینی داوام ائتدیرمک.

اوچونجو سسناری ایرانا قارشی یئنی گئنیش‌مقیاسلی حربی کامپانیانی نظرده توتور».

اسرائیل رسمی‌سی بیلدیریب کی، نتانیاهونون واشینگتنا سفری ترامپی یئنیدن ایرانا ضربه ائندیرمه‌یه ایناندیرماق مقصدی داشیماییب.

اونون سؤزلرینه گؤره، بو، اسرائیل باش ناظیرینین فورال آییندا آمریکانین تهرانا قارشی حربی عملیاتلاردا اشتراکینی فعال شکلده مدافعه ائتدیی اولکی سفریندن فرقلیدیر. او زمان ترامپ اوچ هفته‌دن آز مدت سونرا ضربه‌لری دستکلمیشدی، لاکن منبع‌نین قید ائتدیی کیمی، نتانیاهونون عملیاتین گئدیشاتی ایله باغلی بعضی پروگنوزلاری اؤزونو دوغرولتمامیشدی:

«بو دفعه اسرائیلین باش ناظیری ترامپا اوچ واریانتدان هانسینی داها اوستون حساب ائتدیینی دئمه‌دی. عینی زماندا، او، ایرانین الده ائدیله بیله‌جک هر هانسی بیر راضیلاشمایا عمل ائدجیینه شبهه ایله یاناشدی».

منبع وورغولاییب کی، طرفلر هر اوچ سنارینی اطرافلی مذاکره ائدیبلر، هر بیرینین پوتنسیال اوستونلوکلرینی و ریسکلرینی نظره آلیبلار.