پولشا رسپوبلیکاسینین آذربایجان رسپوبلیکاسینداکی فوق‌العاده و صلاحیتلی سفیری پاول رادومسکی خارجی ایشلر ناظیرلیینه چاغیریلیب.

بو باره‌ده Axar.az-آ خارجی ایشلر ناظیرلییندن معلومات وئریلیب.

بیلدیریلیب کی، گؤروش زمانی، ۲۶ آوگوست ۲۰۲۶-جی ایل تاریخینده پولشانین اجتماعی یاییم ارگانی اولان ت.و.پ-نین (TVP World) "استرن اکسپرس" وئریلیشینده آذربایجان علیه‌اینه یاییملانمیش سوژئتده آذربایجان دولتینه و اؤلکه رهبرلیینه قارشی یؤنلمیش غرضلی، غیر اوبیکتیو و تمامیله قبول‌ائدیلمز ادعالارین یئر آلماسی، هابئله وئریلیش زمانی آپاریجینین تخریبات کاراکترلی داورانیشی ایله باغلی کسکین اعتراض بیلدیریلیب، بونونلا علاقه‌دار قارشی طرفه اعتراض نوتاسی تقدیم ائدیلیب.

آذربایجانلا ارمنستان آراسیندا نرماللاشما و صلح پروسسی، ائلجه ده آذربایجانین رگیوندا داواملی صلح، ثابتلیک و تهلوکه‌سیزلیین تامین ائدیلمه‌سی استقامتینده قطعیتلی سعیلر گؤستردیی بیر واختدا حقیقتی تحریف ائد‌ن معلوماتلارین یاییلماسینین آذربایجان طرفینده سوال دوغوردوغو دقته چاتدیریلیب.

پولشا حکومتی طرفیندن مالیه‌لشدیریله‌ن اجتماعی یاییم ارگانیندا آذربایجانا قارشی منفی کاراکترلی مضمونون یاییملانماسی اؤلکه‌لریمیز آراسیندا موجود طرفداشلیق روحونا ضد اولان و ایکی‌طرفلی مناسبتلره جدی ضرر وورماق پوتنسیالینا مالک غیر دوست آددیم کیمی قیمتلندیریلیب.

پولشا طرفی آذربایجانی هدف آلان بو جور تخریباتچی کامپانیالارین دایاندیریلماسی استقامتینده تاخیرسالینماز و تأثیرلی تدبیرلر گؤرمه‌یه چاغیریلیب.