۱۷:۰۲

آوگوستون ۳۱-ده قیرغیزیستانین پایتاختی بیشکک شهرینده آذربایجان رسپوبلیکاسینین پرزیدنتی ایلهام علیئوین ایران ایسلام رسپوبلیکاسینین پرزیدنتی مسعود پزشکیانلا گؤروشو اولوب.

Axar.az خبر وئریر کی، مسعود پزشکیان دولتیمیزین باشچی‌سی ایله گؤروشلرینی و تلفن دانیشیقلارینی ممنونلوقلا خاطیرلادی، ایرانین اوزلشدیی بو چتین وضعیتده پرزیدنت ایلهام علیئوین مؤوقعیینین، نمایش ائتدیردیی دستیین، وئردیی باشساغلیغینین، همچنین آذربایجان طرفیندن گؤستریله‌ن هومانیتار یاردیمین ایران دولتی و خالقی طرفیندن چوخ یوکسک قیمتلندیریلدیینی وورغولادی، بوتون بونلارا گؤره بیر داها منتدارلیغینی بیلدیردی.

علاقه‌لریمیزین انکشاف ائتدیریلمه‌سی اوچون چوخ یاخشی امکانلارین اولدوغونو دئیه‌ن ایران پرزیدنتی آذربایجانلا بوتون ساحه‌لرده مناسبتلری گئنیشله‌ندیرمکده ماراقلی اولدوقلارینی قید ائتدی.

مسعود پزشکیان اؤلکه‌لریمیز آراسیندا علاقه‌لرین قارداشلیق و دوستلوق کاراکتری داشیدیغینی وورغولایاراق، ایرانین بوتون قونشو اؤلکه‌لرله یاخشی مناسبتلره مالک اولماق نیتینده اولدوغونو دئدی.

دولتیمیزین باشچی‌سی دا اؤز نوبه‌سینده ایرانین اوزلشدیی بو شرایط‌ده آذربایجانین یاردیمینین قارداشلیق نمونه‌سی اولدوغونو وورغولادی.

پرزیدنت ایلهام علیئو دئدی کی، اؤلکه‌میز ایرانلا باغلی یارانمیش وضعیتین صلح و دانیشیقلار یولو ایله حلینین طرفداریدیر.

صحبت زمانی آذربایجانلا ایران آراسیندا امکداشلیغین مختلف ساحه‌لرده انکشاف پرسپکتیولرینه دایر فکر مبادله‌سی آپاریلدی.