اماراتدان تلاویوه اوچان «فلا‌ی‌دوبای» شرکتینه مخصوص طیاره‌نین پیلوتونون بیری امارات، دیگری ایسه عمان وطنداشی اولوب. پیلوتلارین روس و اوکراینالی اولمالاری باره‌ده معلومات دوغرو دئییل.

Axar.az خبر وئریر کی، بو باره‌ده اسرائیل مطبوعاتی معلومات یاییب.

معلوماتا گؤره، اعمان وطنداشی اولان ایکینجی پیلوت کاپیتانا هجوم ائدیب.

حاضردا پیلوتلار باره‌سین‌ده استنتاق باشلادیلیب. اسرائیل باش وئرمیش حادثه‌نی ترور آکتی کیمی قیمتلندیریب.

آراشدیرما باشا چاتانا قدر هر ایکی پیلوتون اوچوش حقوقو موقتی اولاراق دایاندیریلا بیلر. اگر اونلاردان بیرینین طیاره‌نی قصداً یئره دوغرو یؤنلتمه‌یه چالیشدیغی تصدیقلنرسه، همین شخص جدی اتهاملارلا اوزلشه بیلر.

قید ائدک کی، اماراتدان تلاویوه اوچان "فلایدوبای" شرکتینه مخصوص طیاره قاچیریلما شبهه‌سی سببین‌دن تعجیلی سیگنال وئریب. داها سونرا طیاره‌ده پیلوتلار آراسیندا داوانین باش وئردیی بیلدیریلیب.