بو گون باکینین مرکزینده ق.ح.ت-لرین تشکیلاتچی‌لیغی ایله بیر گروپ آذربایجانلی خانیمین ملی باش اؤرتویو – کلاغایی ایله گزینتی-یوروشو کئچیریلیر.

Axar.az خبر وئریر کی، یوروش قیز قالاسینین قارشی‌سیندان باشلاییب.

وطنداش جمعیتی تمثیلچیلری بو تشببوسله ملی گئییملره، خصوصیله کلاغاییا ماراغین آرتیریلماسینا چالیشدیقلارینی بیلدیریبلر.

کلاغایی آذربایجان خالقینین چوخ عصرلیک تاریخینی، ملی کیملیینی، عادت-عنعنه‌لرینی و استتیک دنیاگؤروشونو اؤزونده یاشادان مهم مدنی ارث نمونه‌سی‌دیر. طبیعی ایپکدن حاضرلانان بو ظریف باش اؤرتویو عصرلر بویو آذربایجان قادینلارینین گئییم مدنیتینین آیریلماز حصه‌سی اولوب. کلاغایی یالنیز ملی گئییم المنتی دئییل، هم ده خالقیمیزین معنوی دیرلرینین، ظریف‌لیک، گؤزللیک و خانیملیق رمزلرینین ایفاده‌سیدیر.

آذربایجان کلاغایی‌سی بین‌الخالق سویه‌ده ده تانینیر. ۲۰۱۴-جو ایلین نویابرین‌دا «قادین ایپک باش اؤرتویو کلاغایینین عنعنوی حاضرلانما و داشینما مدنیتی و اونون سیموولیکاسی» یونسکو-نون بشریتین غیری-مادی مدنی ارث اوزره رپرزنتاتیو سیاهی‌سینا داخل ائدیلیب. بو مهم حادثه کلاغایینین یالنیز آذربایجان خالقی اوچون دئییل، بوتؤولوکده بشریتین مدنی ارثی باخیمیندان اهمیتینی تصدیقله‌ییب.

کلاغایی صنعتینین اساس مرکزلری سیراسیندا شکی و باسقال خصوصی یئر توتور. اونون حاضرلانماسین‌دا عنعنوی ایپکچی‌لیک، بویاما و تاختا قلیبلرله ناخیشوورما اصوللاریندان استفاده اولونور. کلاغاییلارین اوزرینده‌کی بوتا، نباتی و هنده‌سی اورنامنتلر خالقیمیزین زنگین بدیعی تفکرونو عکس ائتدیریر. بو صنعتین قورونماسی، گنج نسیللر آراسیندا تبلیغی و گونده‌لیک گئییم مدنیتینده یاشادیلماسی ملی ارثیمیزین گله‌جک نسیللره اؤتورولمه‌سی باخیمین‌دان مستثنی اهمیت داشیییر.

کلاغایی ایله یوروش شهر ساکنلری و توریستلرده بؤیوک ماراغا سبب اولوب.