بؤیوک بریتانیانین تهرانداکی سفیری هوقو شورتر ایران خارجی ایشلر ناظیرلیینه چاغیریلیب.

Axar.az خبر وئریر کی، بونا سبب بریتانیا حکومتینین فایرفورد حربی بازاسیندا باش وئرن حادثه‌نی ایرانلا علاقه‌له‌ندیرمه‌سی اولوب.

ایران خارجی ایشلر ناظیرلیینین غربی آوروپا اداره‌سینین باش دیرکتورو علیرضا یوسفی بریتانیانین اتهاملارینی اساسسیز آدلاندیریب.

او، لوندونون ایر‌لی سوردویو ادعالارلا باغلی سند و ثبوتلاری ان قیسا زماندا تقدیم ائتمه‌لی اولدوغونو بیلدیریب.

علیرضا یوسفی خبردارلیق ائدیب کی، عکس حالدا تهران بؤیوک بریتانیا ایله ایکی‌طرفلی مناسبتلرینه جدی شکلده یئنیدن باخاجاق.

آمریکانین استراتژی بمباردمانچی طیاره‌لرینین استفاده ائتدیی راف فایرفورد بریتانیانین اساس حربی اوبیکتلریندن ساییلیر. سنتیابرین سونلاریندا بازانین یاخینلیغیندا ترورچولوقلا باغلی جنایتلرده شبهه‌لی بیلینه‌ن بیر نئچه نفرین ساخلانیلماسی گئنیش‌مقیاسلی آنتی‌ترور عملیاتینا سبب اولوب. آراشدیرما داوام ائدرکه‌ن شبهه‌لیلر سونرادان ضامینه بوراخیلیب.

راف فایرفورد ایشی اوزره تفرعاتلار هله ده محدود اولسا دا، اینسیدنت لوندون و تهران آراسینداکی گرگین مناسبتلرده یئنی مباحثه موضوعسونا چئوریلیب.