آذربایجانلا ایران آراسینداکی مناسبتلرده انکشاف مشاهده اولونمالیدیر. بو دا اوندان ایر‌لی گلیر کی، بیز قونشو و قوهوم خالقلاریق، مختلف ساحه‌لرده اورتاق ماراقلاریمیز وار. چالیشمالییق کی، بوتون امکانلاردان استفاده ائد‌رک ایکی اؤلکه‌نین و خالقین ماراقلارینی تامین ائد‌جک شکلده امکداشلیق ائدک.

Axar.az خبر وئریر کی، بونو ایرانین آذربایجانداکی سفیری مجتبی دمیرچیلو دئییب.

سفیر "سحر آذری" کانالیندا گویا تورکیه‌ده آذربایجانلی حجابلیلارا دستک مقصدیله آکسییا کئچیریلدیی باره‌ده یاییلان معلوماتلا باغلی سوالا دا جواب وئریب.

"چالیشمالییق کی، هر هانسی خبر و حادثه مناسبتلریمیزه منفی تأثیر گؤسترمه‌سین. آچیغی، نماینده هیئتلری ایله گؤروشلریم اولدوغونا گؤره بو خبری گؤرمه‌میشه‌م. اما راضییام کی، دئزینفورماسیا مناسبتلریمیزه منفی تأثیر گؤسترمه‌مه‌لیدیر. مناسبتین ساغلاملاشدیریلماسینا مانع اولان عامللری آرادان قالدیرماغا چالیشمالییق. قارشی‌لیقلی ماراقلاریمیز یالنیز ایکی‌طرفلی آنلاشما یولو ایله تامین اولونا بیلر"، - دئیه سفیر بیلدیریب.