آنا صحیفه گوندم |
ایستانبولدا تؤردیلمیش تئررور آکتیندا اؤلن و یارالانانلار آراسیندا آذربایجان رئسپوبلیکاسینین وطنداشلارینین اولوب-اولماماسی فاکتی آذربایجانین ایستانبولداکی باش کونسوللوغو طرفیندن تورکییهنین مووافیق دؤولت اورگانلاری ایله آراشدیریلیب.
خاریجی ایشلر ناظیرلیینین مطبوعات خیدمتینین رهبری حیکمت حاجییئو آپا -یا بیلدیریب کی، ایستانبولدا تؤردیلمیش تئررور آکتیندا یارالانانلار آراسیندا آذربایجان وطنداشی اولان بیر قادینین اولماسی بارهده معلومات داخیل اولوب.
ه. حاجییئو دئییب کی، آذربایجانین ایستانبولداکی باش کونسوللوغو همین شخصین کیملیینی آراشدیریر و تورکییهنین مووافیق قوروملاری ایله تماسلاری داوام ائتدیریر.
***
ایستانبولدا تؤره دیلمیش تئررور آکتیندا ایکی آذربایجان وطنداشی یارالانیب.
خاریجی ایشلر ناظیرلیینین مطبوعات خیدمتینین رهبری حیکمت حاجییئو دئییب کی، ایستانبولدا باش وئرمیش تئررور آکتی نتیجهسینده آذربایجان وطنداشی اولان بیر کیشینین ده یارالانماسی بارهده معلومات داخیل اولوب.
آذربایجانین ایستانبولداکی باش کونسوللوغو همین شخصین کیملیینی آراشدیریر و تورکییهنین مووافیق قوروملاری ایله تماسلاری داوام ائتدیریر. حاجییئو دئییب کی، حادثه زامانی خسارت آلمیش قادینین وضعیتی قناعت بخش ساییلیب و او، خسته خانادان بوراخیلیب.
قئید ائدک کی، بو گئجه یئرلی واختلا ساعت ۰۱.۱۵ (باکی واختی ایله ۰۲.۱۵) رادهلرینده سانتا کلاوس گئییملی نامعلوم سیلاحلی ایستانبولداکی "رئینا" گئجه کلوبونا یاخینلاشاراق، گیریشده دوران پولیس امکداشینی و مولکی شخصی قتله یئتیریب، سونرا ایسه ایچری داخیل اولاراق اوراداکی اینسانلارا آتش آچیب. هوجوم زامانی گئجه کلوبوندا یئنی ایل بایرامینی قئید ائدن ۶۰۰-دک اینسان اولوب. نتیجهده ۳۹ نفر اؤلوب، ۶۵ یارالی وار.
تاریخ
2017.01.01 / 23:55
|
مولف
Axar.az
|