تورکییه‌نین سابیق باش ناظیری احمد داوود اوغلو دونه‌ن گئجه ایستانبول پولیس ایداره‌سی و آکپ-نین رایون تشکیلاتینین بیناسینا ائدیله‌ن هوجوما موناسیبت بیلدیریب.

آخار .آذ خبر وئریر کی، داوود اوغلو هوجوملاری قینادیغینی دئییب:

«ایستانبول‌دا پولیس ایداره‌سینه و رایون تشکیلاتیمیزا ائدیله‌ن هوجومو قیناییرام. پولیسیمیزه ده، تشکیلاتیمیزا دا گؤز داغی وئرمه‌یه جسارتلری چاتماز».

خاطیرلاداق کی، دونه‌ن گئجه ایستانبول پولیس ایداره‌سینین «وطن» کوچه‌سینده‌کی بیناسینا قومبارااتان‌دان آتش آچیلیب.

حادثه‌دن درحال سونرا بیر نفر آرا کوچه‌لره دوغرو قاچماغا باشلاییب. همین شخصین توتولماسی ایستیقامتینده گئنیش میقیاسلی عملیات باشلادیلیب.

سوت‌لوجه‌ده یئرلشه‌ن آکپ بیناسینا ایسه تانک علیهینه راکئت سلاحیندان آتش آچیلیب.

حادثه نتیجه‌سینده اؤلن و یا یارالانان اولماییب.