پرئزیدئنت ایلهام علیئو سومقاییت کیمیا صنایع پارکینین اراضیسینین گئنیشلندیریلمه‌سی حاقین‌دا سرانجام ایمضالاییب.

آخار. آذ خبر وئریر کی، بو باره‌ده پرئزیدئنتین مطبوعات خیدمتی معلومات یاییب.

سرانجام‌دا قئید ائدیلیر: آذربایجان رئسپوبلیکاسی کونستیتوسییاسینین ۱۰۹-جو مادده‌سینین ۳۲-جی بندینی رهبر توتاراق، اؤلکه‌ده غئیری-نئفت سئکتورونون داوام‌لی اینکیشافینین تامین ائدیلمه‌سی، ساحیبکارلیغین دستکله‌نمه‌سی، صنایئعلشمه‌نین پریوریتئت ایستیقامتلری اوزره اؤزل اینوئستی‌سییا فعالیتینین تشویقی، معاصر تئخنولوگییالارا اساس‌لانان رقابتقابیلیت‌لی صنایع ایستئحصالینین تشکیلی و اهالینین ایستحصال ساحه‌سینده مشغوللوغونون آرتیریلماسی مقصدی ایله قرارا آلیرام:

۱. آذربایجان رئسپوبلیکاسینین ناظیرلر کابینئتی:

۱.۱. آذربایجان رئسپوبلیکاسینین اقتصادیات ناظیرلیگی، املاک مسئله‌لری دؤولت کومیته‌سی، دؤولت نئفت شیرکتی، «آزرئنئرژی» آچیق سهمدار جمعیتی و سومقاییت شهر ایجرا حاکمیتی ایله بیرلیکده سومقاییت کیمیا صنایع پارکینین فعالیتی اوچون سومقاییت شهرینین باکی-قوبا یولونون ۳۷-جی کیلومئترلیینده یئرلشه‌ن ۱۷۰،۷۵ هکتار تورپاق ساحه‌سینین قانون وئریجیلییه اویغون اولاراق «سومقاییت کیمیا صنایع پارکی» محدود مسولیت‌لی جمعیتینین دایمی ایستیفاده‌سینه وئریلمه‌سینین تامین ائدیلمه‌سی ایله باغلی اوچ آی مدتینده تدبیرلر گؤرسون و بو باره‌ده آذربایجان رئسپوبلیکاسینین پرئزیدئنتینه معلومات وئرسین؛

۱.۲. بو سرانجام‌دان ایر‌لی گلن دیگر مسئله‌لری حل ائتسین.

۲. آذربایجان رئسپوبلیکاسینین اقتصادیات ناظیرلیگی بو سرانجام‌دان ایر‌لی گلن مسئله‌لری حل ائتسین.